Video
Read full review
2021-05-10
1793 views
#wetdodo_尖沙咀💛之前見有碗話碗都話抵食即刻bookmark！試過之後真係覺得cp值好高🤩放題有海鮮都唔出奇～但佢係比客自助係水缸到撈出黎就少見了😛咁就真係保證新鮮🤩刺身都好幾新鮮💦而且無論係炸物、飲品、自助火鍋料同甜品都多選擇🥳除左食物質素普遍中上且款式多樣放題最驚係佢拖好耐都唔上嘢食！叫牛同刺身都上得好快～都5分鐘左右就到係咁忙炒晒場既情況下員工都好有禮🙆♀️而且自助區既食品都refill得密同快Order既食品都上得快同冇漏過單真係幾乎無可挑剔既任食打邊爐🌝🔅入座後Scan QR Code落單🔅🔆記住訂左枱先黎🔆—————————————————————🥩美國Prime牛板腱肉類我地就咁同員工口頭order想講啲牛板腱碟碟都唔同頭兩碟係佢一開波就比之後再叫左3 round 係每次都比上一轉靚🥴重牛味而且食落冇咩肥肉🐂而且另外想讚黎得勁快 每次都五分鐘內就到🍲火鍋料🍲自助區都係大路既火鍋料基本款既菜、蜂巢豆腐、響鈴、蟹棒、腸、菇、餃子等等都有比較值得一提係丸類試左三款有餡既 感覺都值得一試（排名分先後）1️⃣爆芝牛丸王：第一次食牛丸夾芝心！其實入面芝心同平時方型有少少橙點既白色
#wetdodo_尖沙咀💛之前見有碗話碗都話抵食即刻bookmark！
試過之後真係覺得cp值好高🤩
放題有海鮮都唔出奇～
但佢係比客自助係水缸到撈出黎就少見了😛
咁就真係保證新鮮🤩
刺身都好幾新鮮💦
而且無論係炸物、飲品、自助火鍋料同甜品都多選擇🥳
除左食物質素普遍中上且款式多樣
放題最驚係佢拖好耐都唔上嘢食！
叫牛同刺身都上得好快～都5分鐘左右就到
係咁忙炒晒場既情況下員工都好有禮🙆♀️
而且自助區既食品都refill得密同快
Order既食品都上得快同冇漏過單
真係幾乎無可挑剔既任食打邊爐🌝
🔅入座後Scan QR Code落單🔅
🔆記住訂左枱先黎🔆
—————————————————————
🥩美國Prime牛板腱
肉類我地就咁同員工口頭order
想講啲牛板腱碟碟都唔同
頭兩碟係佢一開波就比
之後再叫左3 round 係每次都比上一轉靚🥴
重牛味而且食落冇咩肥肉🐂
而且另外想讚黎得勁快 每次都五分鐘內就到
🍲火鍋料🍲
自助區都係大路既火鍋料
基本款既菜、蜂巢豆腐、響鈴、蟹棒、腸、菇、餃子等等都有
比較值得一提係丸類
試左三款有餡既 感覺都值得一試
（排名分先後）
1️⃣爆芝牛丸王：第一次食牛丸夾芝心！其實入面芝心同平時方型有少少橙點既白色芝心丸差唔多！但出面係牛丸都好香濃亦都夠juicy唔會有根🤩
2️⃣咸蛋流心魚蛋：呢樣都係第一次食🤩咸蛋味好重而且係流油！
3️⃣香芋丸(冇睇到個名😂)：入面有香芋夾心～不過唔夠濃味🤔唔會太甜呢點其實都ok只係相比另外兩個冇咁重味
不過呢到實在太多嘢食
而且想回本就緊係狂食海鮮🤣
所以試得唔多🤫
湯底都有幾款揀 我地揀左壽喜燒湯
本身佢都會擺左好多配料入去
開頭唔太夠味但越煲越濃味
最後會過咸左啲👀
🍤熟食區🫔
擺晒係出面自助唔洗order
不過就唔會好熱辣辣
炸物表現都係正正常常 都唔會太油
不過係擺埋一堆冇名靠樣認佢係啲咩🤣
有炸帶子、炸蟹鉗、麥樂雞(?)、炸芝士波、焗蠔等等
當中我最鐘意就係炸香蕉🍌
外脆內軟既口感🤩
呢樣唔係間間放題都有！
🐟刺身🐡
刺身令我最深刻係佢真係黎得好快
雖然寫十片係黎唔足
但落完單大約5-10分鐘就送黎！
三文魚切得好厚身 而且紋路都好靚
全部都冇咩雪味同埋個feel都新鮮夠凍
有款帶子迷你丼 帶子幾鮮甜
不過有飯叫一杯試下夠😂
仲有醬油蝦同醬油鮑魚食
呢兩款都少見啲 點都要叫黎試下既
兩款都幾有啲醬汁味
朋友一人隊左十隻鮑魚 真係值回票價😂
🦐海鮮🦑
呢到係自己撈蝦同蜆
蜆係好幾款 有大有細
不過都係冇放牌 我都唔肯食食緊咩種類
但每款食落都冇沙 呢樣對於食蜆好重要
大頭蝦真係必食！
雖然個身冇咩肉係個頭有蝦膏🤪
同埋咁新鮮啲肉好結實同彈牙！
而撈完既蝦記住要用啲冰壓係佢地上面
員工見我唔識有幫我有🥺都好nice！
另外仲有雪左既青口同扇貝 呢兩款不過不失
🥧甜品🍦
甜品有放係雪櫃自助既同要落單既
得兩款要落單
分別係奶黃牛角包同流心芝士撻
前者真係好少見下
叫左黎試都唔錯 酥皮好鬆脆亦好香牛油味
不過奶黃餡唔算爆多 味道唔會話好濃
唔會係啲流沙包咁濃 但都有啲流心效果
而流心芝士撻個撻皮完全係曲奇蛋撻啲皮黎
流心果part唔錯 堅流同香濃芝士味！
而自助區就有各款既日韓雪條
最吸引我既就係movinpink啦🤩
雖然得一款味冇得揀
真係睇好唔好彩個味自己o唔ok
當日係合桃咖啡味少少甘苦
中間夾左啲合桃碎 其實唔錯
仲有少見啲既忌廉溝鮮奶味雪條！
另外都有豆腐花、牛奶布甸、雪米糍果啲可以自己拎
飲品櫃仲放左一款榴槤糯米糍🤢
朋友話個皮好煙韌同內餡都幾香濃榴槤餡
🥤飲料🍶
款式都多 有十幾款
除左啲包裝罐裝飲品都仲有酒類
韓國燒酒同一樽樽既梅酒都有
重點係個價包埋酒都係任飲品唔洗另加錢！
忌廉溝鮮奶真係放題必備
佢仲有少見啲既士多啤梨同菠蘿味
士多啤梨味麻麻地 勁大陣藥水味
反而菠蘿係唔錯 又唔會覺得太淡
有啲菠蘿味飲品好似浸菠蘿罐頭啲水咁
但呢款夠濃味 就唔似果啲水
🔖推薦名單🔖
火鍋料：爆芝牛丸王、咸蛋流心魚蛋
熟食區：炸香蕉
海鮮區：大頭蝦、蜆
刺身類：三文魚、蝦、帶子丼、可試醬油系列
甜品類：Movinpink、流心芝士撻
飲品類：菠蘿味忌廉溝鮮奶
👅：好似黎緊五月每個時段都會加$20 但老實講加左$20都係抵食！食物款式同質素超越左佢價錢～同埋真係好旺場👀亦都值得係咁旺～如果食早鳥夜晚7點前離座再平啲添！但可能會比人催交枱👀同埋果日埋單唔知點解9折變左免加一🤪
😋：9.5/10❣️
—————————————————————
JK Brother’s
💸：人均～$270(紅日晚市19:00入座)
📍：尖沙咀彌敦道180號寶華商業大廈3樓 （大約喺佐敦同尖沙咀中間)
✨收加一服務費
✨星期五六日&公眾假期前夕+$10
Post
