想甜嚐甜

Open Now

Now Closed

開心星期五相約好友去到大角咀食串燒，見時間尚早有少許意猶未盡，食埋甜品渡過完滿一夜。Jacob橙心太軟配乳酪雪糕 $60 曾經食過一間名牌橙皮朱古力，天然橙香配上苦甜朱古力，香氣甜度恰到好處，自此以後對於橙味朱古力尤其喜愛。見小店提供多款心太軟口味選擇，選來心儀的滿心歡喜地期待着，一切，咦？ ！說好的流心呢？冇嘅。不過撇除太熟有少少失望之外，蛋糕朱古力味香濃，配埋微酸嘅乳酪雪糕甚是匹配。好友嘅開心果味倒有驚喜，切開如泉湧之餘果仁香自然，好好食，下次會encore。玄米小丸子紅豆鮮奶 $45另一半怕太飽滯，選來簡單一點嘅糖水。配料有紅豆、小丸子、咖啡果凍、椰果、玄米脆脆等等，恰如其分但沒大驚喜。整體食物水準以上，惟其中一個店員比較嚴肅，令人有壓力，如果可以寛容少少更好哈哈。