Video
Read full review
2019-07-08
136 views
前兩日出銅鑼灣睇戲，睇戲前快快食個晚餐，見到登龍街呢間新開嘅茶餐廳都幾多款嘢食，咁就試下啦！啲餐單真係好多款式，中日韓，甚至英式食物都有。上Openrice 見好多人推介英式早餐同埋玉子燒，咁我同男朋友就一人叫一款傳統英式早餐同埋日式玉子燒餐。傳統英式早餐超級豐富，個餐包咗羅宋湯同沙律！除咗有炒滑蛋，德國腸，煙三文魚同煙肉，仲有大蘑菇，多士，薯餅同焗豆！樣樣食物都唔錯！最推介嘅係大蘑菇，超多汁！個薯餅都好有驚喜，外面炸到脆卜卜，好香口！日式玉子燒雖然外貌同張相有少少出入，但食落都幾特別，係港日fusion，我揀咗鹹牛肉芝士玉子燒，鹹鹹嘅牛肉配埋芝士同玉子，味道出乎意料咁夾！個撈丁都唔錯，個豉油汁幾好味，應該係瑞士汁雞翼啲汁！我哋另外仲叫咗個小食，大推蜜糖雞翼！雞翼煎到好香口，調味有啲似土匪雞翼加蜜糖，好惹味！因為天氣好熱，所以男朋友叫咗鹹檸七，鹹鹹甜甜好開胃！龍門冰室雖然價錢中上，但都好多款式，待應熱好友善，下次嚟登龍街除咗食拉麵，都可以試吓呢間！
前兩日出銅鑼灣睇戲，睇戲前快快食個晚餐，見到登龍街呢間新開嘅茶餐廳都幾多款嘢食，咁就試下啦！
啲餐單真係好多款式，中日韓，甚至英式食物都有。上Openrice 見好多人推介英式早餐同埋玉子燒，咁我同男朋友就一人叫一款傳統英式早餐同埋日式玉子燒餐。
羅宋湯
7 views
0 likes
0 comments
沙律
4 views
0 likes
0 comments
傳統英式早餐
$75
25 views
0 likes
0 comments
傳統英式早餐超級豐富，個餐包咗羅宋湯同沙律！除咗有炒滑蛋，德國腸，煙三文魚同煙肉，仲有大蘑菇，多士，薯餅同焗豆！樣樣食物都唔錯！最推介嘅係大蘑菇，超多汁！個薯餅都好有驚喜，外面炸到脆卜卜，好香口！
日式玉子燒餐
$70
68 views
0 likes
0 comments
日式玉子燒雖然外貌同張相有少少出入，但食落都幾特別，係港日fusion，我揀咗鹹牛肉芝士玉子燒，鹹鹹嘅牛肉配埋芝士同玉子，味道出乎意料咁夾！個撈丁都唔錯，個豉油汁幾好味，應該係瑞士汁雞翼啲汁！
蜜糖雞翼
$45
19 views
0 likes
0 comments
蜜糖雞翼
$45
18 views
0 likes
0 comments
我哋另外仲叫咗個小食，大推蜜糖雞翼！雞翼煎到好香口，調味有啲似土匪雞翼加蜜糖，好惹味！
鹹檸七
$5
6 views
0 likes
0 comments
因為天氣好熱，所以男朋友叫咗鹹檸七，鹹鹹甜甜好開胃！
龍門冰室雖然價錢中上，但都好多款式，待應熱好友善，下次嚟登龍街除咗食拉麵，都可以試吓呢間！
Post
