CHiLL-i (Closed)

難得返去舊公司探同事，同事A話開咗間新餐廳想捉我一齊食，當然話好啦！駱駝漆入邊真係多好嘢食，今次呢間亦都幾唔錯！每款菜式都幾有特色！呢款唐揚豆腐魚餅做得外脆內軟，魚餅保持濕潤，墊底嘅沙律菜又靚又新鮮，點沙律醬更開胃！見到個蒜蓉·豆豉又有忌廉汁嘅意粉相當好奇，就叫嚟試吓！食落味道出奇地夾喎～完全冇違和感！可能忌廉汁起咗中和作用，食落有椒絲蒜蓉豆豉香味但又唔會唔會太過over👍🏻。法國野生珠雞·羅馬菜·凱撒醬，見個名咁特別就上網Google 一下，原來「珠雞體形較小, 脂肪含量亦較低，是比較健康的雞」！仲要係野生嘅相信更加美味！大廚應該用上唔同香料醃製，入口充斥香料味，雞肉軟嫩又有肉汁，感覺幾特別！朱古力咖啡有水準，柚子蜂蜜梳有水果片及薄荷葉裝飾，未飲心情都靚晒！呢度裝修簡約，但上菜擺盤唔馬虎，每樣都靚靚嘅！值得幫襯！