Platform (Closed)

嚟到大圍新開無耐嘅Platform，呢盞白鴿燈都幾別呀！佢哋用咗牛皮紙做餐牌，除咗各式咖啡飲品等等之外，仲有幾款主食同甜品。原本想食嘅嘢賣晒，咁就叫咗個馬鈴薯糰，係先要將頂層嘅溫泉蛋撈勻咁食嘅。淺黃色細細個嘅馬鈴薯糰嘅外表好似蠶蛹仔咁，質感非常煙韌。個忌廉汁入面有啲切成一粒粒嘅煙肉同洋蔥，同埋仲有啲白菌同芝士粉，加埋一齊嘅味道唔錯。不過啲汁都幾多下，唔排除有人會覺得太過濕，有少少似放湯咁，但對於好似我呢啲鍾意多汁嘅人嚟講都唔錯嘅。