Video
Read full review
2018-11-11
90 views
天氣涼涼地又係時候打邊爐喇。不過我地兩個女仔食量唔大，如果揀任食火鍋又貴又食唔多，其實都幾唔化算。連鎖店既一人火鍋就毫無新意，食到悶。 上網見到哩間湯•米有一人火鍋食，雖然價錢比連鎖店火鍋高，但火鍋款式，小食飲品既種類都好多，所以好值得黎試下。餐牌上除左有十多款火鍋選擇，仲有好多台灣小食🤤。餓喇！點左兩款小食醫下肚先。先黎既係炸雞同炸丸。雞扒外皮好脆，雞扒肉質好滑，唔乾好多汁。新鮮炸起既墨魚丸，熱辣辣，炸到金黃色，非常彈牙，食唔停口，如果可以多幾粒就好喇！烤魚鍋湯底好紅，一睇就知係辣架。不過佢辣得黎，一啲都唔麻。食完之後口腔內温度上升，但唔需要不斷飲水解辣，辣味適中。鍋中配料都頗多，有炸魚皮、粟米、蜆、豆腐等，樣樣少少地，不過加埋個主食飯，麵同米粉，食完其實都好飽。個魚就啖啖肉，冇骨既。外皮炸香左，好香口。藥膳鍋湯底有杞子冬蟲花，最岩冬天補一補。奶白色既藥膳湯藥材味濃。有好多菜、豆腐，腩肉，特別左有粒鵪鶉蛋。豚肉新鮮，好食。哩到台式飲品既種類都幾多。想清清地健康啲既可以揀哩款果茶，裡面有好多果肉，超大杯。近年大熱既芝士奶蓋哩到都有得飲。我跟足佢指示，先唔用飲管，傾斜45度大口喝下兩層，
上網見到哩間湯•米有一人火鍋食，雖然價錢比連鎖店火鍋高，但火鍋款式，小食飲品既種類都好多，所以好值得黎試下。
餐牌上除左有十多款火鍋選擇，仲有好多台灣小食🤤。餓喇！點左兩款小食醫下肚先。
先黎既係炸雞同炸丸。
雞扒外皮好脆，雞扒肉質好滑，唔乾好多汁。
新鮮炸起既墨魚丸，熱辣辣，炸到金黃色，非常彈牙，食唔停口，如果可以多幾粒就好喇！
烤魚鍋湯底好紅，一睇就知係辣架。不過佢辣得黎，一啲都唔麻。食完之後口腔內温度上升，但唔需要不斷飲水解辣，辣味適中。鍋中配料都頗多，有炸魚皮、粟米、蜆、豆腐等，樣樣少少地，不過加埋個主食飯，麵同米粉，食完其實都好飽。個魚就啖啖肉，冇骨既。外皮炸香左，好香口。
藥膳鍋湯底有杞子冬蟲花，最岩冬天補一補。奶白色既藥膳湯藥材味濃。有好多菜、豆腐，腩肉，特別左有粒鵪鶉蛋。豚肉新鮮，好食。
哩到台式飲品既種類都幾多。想清清地健康啲既可以揀哩款果茶，裡面有好多果肉，超大杯。
近年大熱既芝士奶蓋哩到都有得飲。我跟足佢指示，先唔用飲管，傾斜45度大口喝下兩層，的確可以同時間飲到上層既咸味，同底層既甜味，味道超夾，好飲。
Post
