梅窩麻糬王 (元州街)

Open Now

Now Closed

係長沙灣搵餐廳食晚飯嘅時候，經過一間比佢舖名「梅窩麻糬王」吸引咗😝 佢有多種口味：原味、朱古力、紫菜肉鬆、雙重芝士、抹茶紅豆🫘、正宗紅豆但因為老闆臨收工，已經得返原味同埋紅豆，所以買咗一袋原味試 $25/6粒俾錢嘅時候，老闆話佢喺梅窩做麻糬做到係人都識，諗住退休嘅時候啲街坊叫佢唔好收山，所以而家冇得退休😂用手搣開粒麻糬時已經feel到佢好煙韌😍食落好香芝麻味，仲有淡淡的雞蛋香，明明去緊食晚飯，都忍唔住食咗兩粒😂舖頭仲張貼左建議食用方法，熱食外脆內軟，凍食甘香回味，有機會一定要試埋其他味！