Amico 1890

Open Now

Now Closed

好姊妹請我食生日飯， 她給我幾間餐廳選擇， 最後我都是選了Amico 1890。 之前一路都未試過， 餐廳有兩層， 地下那層比較有油煙味， 我們當日坐上層， 坐低不久就散點了意大利雲吞$58， 龍蝦汁蟹肉粉$108， 加拿大豬鞍扒$128， 日本刺身帶子沙律$58， 白酒$62， 紅酒$52。日本刺身帶子沙律～ 蔬菜新鮮，但帶子得兩粒。龍蝦汁蟹肉粉～ 龍蝦汁味道濃郁， 蟹肉都幾多， 味道算不錯。加拿大豬鞍扒～ 豬扒厚切， 有部分位置做得過熟比較硬身， 配菜有薯條和沙律， 粗薯條配茄汁最好味的。意大利雲吞～ 蕃茄醬汁做的意大利雲吞， 酸酸甜甜很開胃。芝士蛋糕和芒果芝士蛋糕～ 食滿$600可以免費有兩個蛋糕甜品， 芝士蛋糕味道不夠濃， 芒果芝士蛋糕的芒果味重一點會更好， 不過都要讚下餐廳很有心思的寫上生日快樂字句。白酒 ＆ 紅酒～ 兩款味道都幾好， 尤其是白酒甜甜的易入口。整體食物質素唔錯， 店員服務都很貼心，但廁所的環境衛生有待改善， 話說我一到步已經走入廁所小解， 誰知一開廁所蓋嚇到我立即跑出來， 裏面的情形都不想再憶述了。