Video
Read full review
2008-08-06
76 views
早幾日老闆突然間約食晏, 咁啱師傅又冇約人, 所以就赴約; 一行三人, 而地點老板就揀左呢間食店, 師傅從來都未黎過呢間, 所以都幾期待!一坐底發覺地方都幾靚, 都幾有日本嘅感覺; 之後即刻睇下有咩好食啦, 打開餐牌發覺樣樣野食都幾貴, 平均都要成八九十蚊一份, 加上呢度食親嘅都係貴價野, 唔係龍蝦就係鮑魚, 都係唔理咁多, 等老闆發板啦! 最後老闆柯打左個三人前龍蝦餐, 有龍蝦刺身拼盤, 燒雞泡魚肝, 燒帶子, 炒黑豚肉, 鮑魚炒飯同埋一窩粥!先講下個龍蝦刺身拼盤, 拼盤有龍蝦, 三文魚, 甘蝦同埋鮑魚! 龍蝦就幾鮮甜, 肉質爽口, 不過就有少少苦口; 而三文魚切得幾厚, 入口鮮甜, 非常肥美, 幾好; 甘蝦又係非常新鮮, 入口爽口鮮甜, 好味; 而鮑魚起初師傅仲為係生嘅, 試過後先知係熟不過係放喺d冰面上凍食, 鮑魚口感都幾好, 但食唔出有咩好味, 有咩特別? 師傅一向都唔鍾意食刺身, 但呢度嘅刺身都幾好味, 真係唔錯!燒雞泡魚肝就燒得幾香, 幾好味; 燒帶子就燒得幾香, 加上帶子幾鮮, 而肉質爽口, 真係唔錯; 而炒黑豚肉就炒得唔油, 黑豚肉肉質非常鬆身, 入口一d都唔韌, 加埋
一坐底發覺地方都幾靚, 都幾有日本嘅感覺; 之後即刻睇下有咩好食啦, 打開餐牌發覺樣樣野食都幾貴, 平均都要成八九十蚊一份, 加上呢度食親嘅都係貴價野, 唔係龍蝦就係鮑魚, 都係唔理咁多, 等老闆發板啦! 最後老闆柯打左個三人前龍蝦餐, 有龍蝦刺身拼盤, 燒雞泡魚肝, 燒帶子, 炒黑豚肉, 鮑魚炒飯同埋一窩粥!
先講下個龍蝦刺身拼盤, 拼盤有龍蝦, 三文魚, 甘蝦同埋鮑魚! 龍蝦就幾鮮甜, 肉質爽口, 不過就有少少苦口; 而三文魚切得幾厚, 入口鮮甜, 非常肥美, 幾好; 甘蝦又係非常新鮮, 入口爽口鮮甜, 好味; 而鮑魚起初師傅仲為係生嘅, 試過後先知係熟不過係放喺d冰面上凍食, 鮑魚口感都幾好, 但食唔出有咩好味, 有咩特別? 師傅一向都唔鍾意食刺身, 但呢度嘅刺身都幾好味, 真係唔錯!
燒雞泡魚肝就燒得幾香, 幾好味; 燒帶子就燒得幾香, 加上帶子幾鮮, 而肉質爽口, 真係唔錯; 而炒黑豚肉就炒得唔油, 黑豚肉肉質非常鬆身, 入口一d都唔韌, 加埋芽菜炒得幾爽, 冇腥味幾正; 鮑魚炒飯賣相幾靚, 有隻蛋喺煲飯上而, 再用幾蛋撈勻佢, 炒飯都幾乾身加上少少蛋汁真係幾好味, 而鮑魚就幾爽口, 唔會太硬太韌, 幾好味; 而窩粥原來係攞埋個龍蝦頭同尾去滾, 粥底都幾好味, 雖然唔算好綿, 但好好味冇味精, 不過最衰有碎殼, 呢個位扣少少分! 食飽後每人仲有一客甜品, 而甜品師傅要左杧果雪糕, 雪糕一般啦!
總括黎講食物質素唔錯, 服務一流, 全程不停添水, 而環境非常舒服, 不過價錢唔平, 三人前要成六舊水, 加埋一要六六零, 都幾貴, 不過呢餐師傅唔使比, 所以覺得好抵食! 師傅唔知點解老闆會請食飯, 莫非知道師傅辛苦? 慰勞一番? 點都好都要多謝老闆, 坦白講呢間食店嘅質素唔差, 如果師傅食得起, 有機會一定會再黎, 笑臉值得一比!
Post