香葉灣 (海濱匯)

Open Now

Now Closed

係牛頭角返工，有時都會行過黎海濱𣿬食lunch。今日經過香葉灣，見到menu好多選擇，中西式，星馬泰，包羅萬有，一於試吓。唔使等位直接安排到入座，餐廳座位都幾多，不過都好旺場下，眼見有八成滿座。我叫咗個冬䕃豬頸肉湯檬粉，整體唔錯。冬陰功湯底香濃惹味，辣度適中，檬粉唔會太淋，口感唔錯，豬頸肉表皮有啲焦香，肉質唔鞋，除咗豬頸肉，配菜仲有芽菜、豆卜、魚片同半隻烚蛋，算係幾足料。加埋杯凍檸水埋單$59，都算係正常lunch價錢。如果一班同事一齊食lunch，都係一個唔錯嘅選擇，菜式選擇夠多，可以滿足所有人嘅喜好。