香葉灣 (海濱匯)

Open Now

Now Closed

真心講食物唔差，但無服務無態我11：30到，整體加埋我同2個同事，全場應該有7-8個客，分左3枱，客有客食，員工有員工吹水，食到咁上下只係叫人攞張紙巾，佢同我講：係果邊攞，我坐入面，我隔離同事食緊野，所有員工都唔係忙緊，咁係唔係可以幫下忙呢？香港餐飲仲唔夠死咩，要去到咩地步先會有改善？

今日去咗海濱滙食𝙻𝚞𝚗𝚌𝚑初初以為呢間嘢只食泰國菜原來佢都有好多種類嘢食基本上同茶餐廳無分別有𝙳餐仲包餐湯我叫左個冬陰公香茅豬扒金邊粉冬陰公酸酸甜甜有點辣好開胃香茅豬扒就失色少少感覺好似就咁煎無咩香茅感覺同事叫咗喇沙湯金邊粉就話椰奶味唔重另外個同事叫咗個馬來炒貴叼味道算正常𝙻𝚞𝚗𝚌𝚑 可以話多個選擇

幾日都係觀塘上堂，同學極力推薦位於海濱道海濱匯內優質餐廳。環境寬闊：👌👌👌員工服務態度好好：本人唔小心倒瀉飲品，員工馬上清潔位置及再次補上飲品一杯。非常感謝他的細心🙏🙏🙏🙏食物質素好好大大份一大碟，兩大塊豬扒。價錢實惠🎊🎊🎊🎊

係牛頭角返工，有時都會行過黎海濱𣿬食lunch。今日經過香葉灣，見到menu好多選擇，中西式，星馬泰，包羅萬有，一於試吓。唔使等位直接安排到入座，餐廳座位都幾多，不過都好旺場下，眼見有八成滿座。我叫咗個冬䕃豬頸肉湯檬粉，整體唔錯。冬陰功湯底香濃惹味，辣度適中，檬粉唔會太淋，口感唔錯，豬頸肉表皮有啲焦香，肉質唔鞋，除咗豬頸肉，配菜仲有芽菜、豆卜、魚片同半隻烚蛋，算係幾足料。加埋杯凍檸水埋單$59，都算係正常lunch價錢。如果一班同事一齊食lunch，都係一個唔錯嘅選擇，菜式選擇夠多，可以滿足所有人嘅喜好。

件事係大概一兩個星期前發生，原本無諗住寫但真係愈諗愈嬲，所以寫我第一篇食評，希望如果香葉灣管理層睇下麻煩正視一下。話說當日我同一班同事大概1點45分黎到門口，個短頭髮阿姐(印象中係啡色頭髮) 已經好惡咁話”係咪食下午茶架!? 下午茶唔入得住！一定要2點正！“ ，跟住再加多句”你地是但一個叫左午餐都唔可以叫下午茶！”第一其實入面有好多位，我唔明白點解一定要2點正先俾我哋入，難道2點正會有一大堆人衝入去食？anyway ok 呢個係你公司policy既問題，我地可以企係出面等到夠鐘。第二阿姐我地都話等下午茶先入食下午茶囉！你又做咩要呼呼喝喝呢？唔講我以為我地依家乞你食下午茶呀大佬？Anyway 都已經開始嬲嬲地。重頭戲黎啦。有另一位員工好好心咁見我地係門口等話”要等多陣呀唔入得住唔好意思”但因為仲有幾分鐘就夠鐘，佢就好好咁就想換左出面個大牌講俾我地睇下揀下食咩先。正當佢想換個牌之際呢個啡色短髮既女人就好似發左癲咁衝出黎破口大罵” 你做咩想換個牌呀！都未夠鐘！” 之後員工就話其實得返幾分鐘啫咪俾客人睇下食咩囉？，之後個短髮女人就好大聲咁話”俾咩佢地睇呀！佢地要睇咪去揭下放係門口個細餐牌囉！邊

第一次來到牛頭角海濱𠥔，這個甲級寫字樓對我而言絕對陌生，加上隔離港鐵站有一段距離，就算約了朋友吃午飯也要預早時間出門口。商場內餐廳選擇不少，朋友預早在 「香菜灣」搵左位。餐廳有一半靠窗，採光度好。以東南亞餐廳定位，但沒特定裝潢設計，以卡位為主，座位也夠寬躺。超多午餐精選项目，令我們眼花瞭亂。由於午餐時間，上菜時間迅速，基本上不須10 分鐘所有食物、飲品及上齊。羅宋湯酸辣度足，夠惹味馬來西亞牛脷飯 $60份量十足，咖哩質感濃稠，加入椰奶，材料也十足，牛脷足足有四大片，牛脷入口軟稔，有彈性，沒有酥味，味道吾錯，伴菜有青、紅椒，洋蔥軟稔香甜，整體有水準。跟餐「凍奶茶走甜」我就點左「星洲海南雞飯 」$65 老實講句同我期望有點落差，海南雞看上幾粗糙，食落去感覺一致，雞肉鞋口，全是雞胸、雞翼等，感覺吾太好。油飯冇乜香茅味，口感較硬。油菜過稔，食左小小已經唔想食，整體而言是失望。「奶茶紅豆冰」反而令我有驚喜，奶茶底又香又滑，紅豆軟糯香甜，超喜歡。另一位朋友點左「上湯扎肉金邊粉」$53佢力讚湯底不油但有肉湯鮮味，扎肉彈牙，金邊粉份量足，男人都夠飽。佢話佢杯「熱奶茶」花奶足，同樣夠滑夠香。

甘岩經過呢度附近做野，上咗嚟呢度大廈，見到有好多嘢食喎，之後揀咗呢間茶餐廳坐底。一坐低 姐姐好好禮貌地俾咗個餐牌我，依家有下午茶呀。我見真係幾抵食喎個價錢！不過今日有啲肚餓想叫個飯食，就嗌咗嗰焗飯。杯凍奶茶正正常常，個羅宋湯好多料，味道又唔錯喎，酸酸辣辣好開胃呀焗芝士吞拿魚飯 $40一嚟到熱辣辣香噴噴，芝士白汁好香，我嫌佢唔夠多呀配埋佢啲一粒粒嘅吞拿魚 好好食，加上佢係炒飯底，有啲蛋碎，二話不說食哂了。呢間茶餐廳不錯佢仲有其他泰式嘅選擇，例如冬陰功湯底既粉麵，留返下一次再食環境幾乾淨仲好泰式感覺

以往一直幫襯的飯堂，每次都會歎這餐廳熱杏霜(周圍餐廳都無)。是沿當天同同事一起午餐，一個自以為本事的待應落單，我們如常一樣叫了杯熱杏霜，但最後送來的是1杯熱好立克。而我們題出更換時，反被責罵(其實我幫襯過這餐廳，並非第1次錯單)。。。。。。作為一間連鎖飲食餐廳，竟然可以容納一個亳無禮貌可言的員工 。。。。。。。。。。。。。。。。。。。。。。。。。。。。。。以後不會再幫襯。。。

係樓下快食，lunch time即刻沖落黎唔使等位。叫左呢個馬來炒貴刁一拎上黎就聞到好香，好有鑊氣，食落咖哩味都幾濃，仲要配料都算多！五十幾蚊包湯包埋野飲，幾好！

今日嚟到九龍灣。公司嘅大廈樓下通常有好多唔同嘅食肆，咁我就入咗去食香葉灣 茶餐廳。午餐入邊呢就配埋湯配埋嘢飲。叫海南雞飯仲有炒菜心。海南雞飯 $65首先就椰香飯。首先就係要稱讚啊，因為啲飯呢一粒一粒係煮得幾林幾軟熟嘅，都幾香。雞方面呢，唔係雞髀，咁就差少少。不過人都好足料好多肉，咁其實夠你食。個部位好似唔係咁好，啲肉質都OK 㗎。當然未去到呀好高水準嘅水平啦。焗粟米牛脷意粉 $62牛脷有成四大塊，真係食唔晒呀。都整得熟，同埋好厚，有牛脷嗰陣味呢系道，都幾好食，不過啲意粉就比較少醬汁，可以去改善，可以煮得更加好。

最近和朋友來到了觀塘附近，而正值午餐時段，因為我們剛好有事情要做，所以只能夠選擇外賣，此時朋友則推介有一間餐廳的外賣套餐相當不錯。不僅價錢會比較便宜，而且食物的質素也不會變差。這間餐廳名為香葉灣，是在觀塘海濱公園附近的。先來介紹一下餐廳的食物，當日我和朋友點了兩份套餐。我就點了鮮茄焗豬扒飯，而朋友就點了咖喱魚柳飯。由於我們也是點套餐，因此餐廳也奉送了兩碗羅宋湯以及兩杯飲品，我朋友點了一杯頗為特別的飲品，就是咖啡紅豆冰。雖然聽落不像是適當的配搭，然而當我試過一口後我便覺得相當好喝，絕對推薦大家點配這杯飲品。再來談及他的主食，我相當滿意我的鮮茄焗豬扒飯，因為豬扒的口感軟冧，蕃茄味道濃郁，而且還使用了炒飯底。絕對是相當高質素的焗豬扒飯，朋友也相當滿意他的咖喱魚柳飯，魚柳不會過度鬆散而且咖喱味也很濃郁，絕對推薦大家來香葉灣嘗試一下它的美食！

記得一年前曾光顧餐廳下午茶, 覺得份量一般, 所以出咗個OK嘅Openrice食評後就甚少光顧。上星期weekend同家人去開Quayside附近, 並到訪餐廳午膳, 是次光顧絕對令我對餐廳另眼相看!先講優惠, 餐廳星期六全日堂食八五折 (小食及菜除外), 又免加一, 大部分主食$60內, 包湯包飲品, 非常經濟實惠! 食物方面, 咖喱牛肉飯($51)好多牛肉片, 咖喱少辣惹味, 飯量足👍🏻 鴛鴦扒拼薯菜($54)兩塊扒size都好大, 薯條即炸, 配菜又多!服務方面, 餐廳主動攞茄汁俾客人, 而唔係客人問到先俾, 又主動添水, 呢啲位值得加分!P.S. 本身無諗住寫食評, 所以冇為食物拍照...

就在單位附近，這次終於有機會試一試了，看了一下餐牌，種類真的超級多，有點眼花撩亂了，最後想吃炒麵，選擇了一份豬頸肉炒烏東，豬頸肉肉質不錯，也很入味，烏東也有彈性，點了一杯奶茶紅豆冰，竟然意外的很好喝，超過一般港式茶餐廳水平！紅豆沙軟糯糯的

這天朋友相約一同吃飯，餐廳位於朋友的公司附近，距離附近地鐵站路程其實需要十多分鐘，未必是最方便的，但為了方便朋友， 決定前往。 沒想到朋友居然選擇外賣自取，把食物拿回他的公司吃，還好我早有準備。 我點選的食物就是鮮茄豬扒焗飯還有飲紅豆奶茶。食物味道方面，還算不錯，新鮮即叫即做豬扒沒有因為化學物質而失去了他的鮮味，還帶點豬的味道。 另外，鮮茄的醬汁鹹甜適中，做得也不錯， 但我更加欣賞的就是他的飲品奶茶，茶膽味十足，十分香滑。 餐廳細心的在奶茶中沒有加任何糖分，配搭經調製帶點甜味的紅豆，更為出色。

香葉灣位於觀塘商廈-海濱匯內，食物以茶餐廳的comfort food為主，當中亦有不少東南亞美食，怪不得三點三時間，有好多上班族來嘆下午茶。想安心自在一點，可以選擇外賣，下午茶時段外賣午餐有八五折，真的很划算呢！焗鮮茄豬扒飯雖然是外賣，但熱度仍然keep 得到。豬扒切得厚薄適中，肉質爽彈，沒有加了鬆肉粉那種鬆散。炒飯底炒得乾身有咬口，充滿蛋香。茄汁味道濃郁，中間夾雜不少蕃茄粒，洋蔥及菠蘿粒，味道酸甜開胃。上湯肥牛金邊粉另外點了一個有東南亞特色的肥牛金邊粉。肥牛份量不少，口感有嚼頭但不會韌。湯頭味道清淡，沒有很重味精的感覺。雖然只是下午茶餐，但金邊粉份量亦很多，女生當午餐吃也行。飲品方面當然要來點特別的。奶茶紅豆冰將茶餐廳中兩樣常見的飲品合二為一，集合了奶茶的幼滑香醇，以及紅豆的香糯甜蜜，效果相當不錯。青檸梳打青檸汁和梳打水分開奉上，讓客人自己調校濃度，自然的酸甜味道，很解渴。