牛站(駅)麻辣火鍋放題

Open Now

Now Closed

再訪呢間分店，第一時間食個滷肉飯，依然好味但略嫌多左肥肉，所以可以食少啲轉戰返其他熟食同火鍋。火鍋料、前菜、蔬菜、肉、熟食、飲品、甜品夾埋幾百款，調味料又多，黎親食都覺得加埋酒水放題好爽。今次清清地叫左蕃茄豬骨湯底，湯頭滲哂入蕃茄同埋粟米，幾好味。燒乳鴿依然保持酒樓水準嘅，芝麻雞翼又要再次encore，太香太惹味，次次都食埋雞翼尖。海鮮類嘅大頭蝦、帆立貝最回本，帆立貝今次進步左，大粒同好鮮味，脆肉鯇、螺片如常水準。丸類多，最特別係粒丸咬開好似食左粟米湯咁。蔬菜最正都係冰菜、紫色旺菜同清甜冬瓜。前菜我最鍾意食肉香惹味嘅台灣香腸、小龍蝦同爽口嘅麻辣魚皮。甜品有häagen-dazs雪糕、Movenpick、中西糕點；美國極黑和牛srf、美國肩胛肉、美國安格斯牛板鍵、黑豚肉，算嫩口，抵食。