九份•十分 (Closed)

上水呢間台式餐廳，環境闊落，餐牌亦有好多選擇，仲要係免加一，同朋友叫咗兩個主食、兩個小食、一個甜品同埋一杯嘢飲，大快朵頤～主食有紅燒牛肉粗麵（$62）同胡麻芥茉雞肉涼麵（$62）。紅燒牛肉粗麵，牛肉份量都多，有牛展肉三大塊，整到七成熟，肉質好軟嫩，擁有阿婆牙嘅朋友（因為箍牙而食唔到硬嘢）都認證肉好方便佢咬😂。麵底選用左粗麵，麵條彈牙，至於湯底用咗牛肉湯，可用餐廳設置嘅調味吧，自行為湯底加入香料，會更加適合個人口味（個人推薦餐廳的辣椒油🤤👍🏻）。胡麻芥末雞肉涼麵，涼麵同雞肉都用左芝麻醬同芥末調味，識落帶點微辣，配埋洋蔥一齊食非常惹味。雞肉份量都多，而且肉質一啲都唔鞋，而麵條亦非常彈牙好食，非常推薦！小食叫咗培根雞蛋拉絲手抓餅（$58）、蚵仔煎（$38）。培根雞蛋拉絲手抓餅，睇落去賣相非常邪惡，醬汁用咗沙律醬、香草同芝士，配埋培根雞蛋拉絲手抓餅，配搭唔錯，唯一可惜嘅係，手抓餅餅底唔算脆身，若果可以做到餅底酥脆，會加分不少。蚵仔煎味道唔錯，但餅底唔算脆身，整體表現不過不失。甜品叫左台妹愛遇（愛玉）（$25），甜品底部有檸檬愛玉，食落爽口而帶點檸檬香味，配料有芋圓、珍珠同桃膠，淋上黑糖漿作為調