嚐館 (Closed)

去黃大仙呢頭上堂前，食個早晚餐先。見呢度環境裝修光猛，望落去乾淨企理，而且座位闊落，就喺舒舒服服食定去上堂😜下午茶時間去到6:00，下午茶餐牌都有2頁，幾多選擇。但我地就比佢啲主餐牌吸引左，種類多元化，有中有西又有小菜類，正😙 法國小牛柳（6安士）配大虎蝦
小牛柳有6小片，見到牛柳肉質粉嫩，入口都幾有鮮牛肉味道😌大虎蝦🦐食落都唔錯，肉質彈牙薯菜亦好新鮮及份量夠，薯仔粒唔係勁炸，但好香口👍生律菜都好新鮮，配上一片酸種包，成份餐感覺高級左🤭 生炒金沙骨（配飯+例湯+飲品）主角金沙骨份量多，酸甜汁調校得幾好味，唔會過份酸或甜，送飯正一流😋例湯係節瓜湯，有老火湯嘅味道，飲落唔會令人口喝，唔錯👍