九份•十分 (Closed)

因為要探婆婆所以去咗上水，探完經過彩園廣場去搵野食，經過間台灣菜，見裝修幾新，所以去睇下，見餐牌都啱食，入去試試。餐廳坐位闊落整潔。坐低見到有個大調味架，有多款調味料給鹽酥系列。餐牌好多選擇，難到選擇困難症既我，睇左5至10分鐘先order。喜歡香口野既我，當然試下鹽酥三兄弟啦，鹽酥雞肶菇第一次見，層鹽酥夠脆夠味，菇本身有水份所以唔會好乾，魷魚鬚和雞軟骨都唔會炸會好乾身，當然我試齊調味架的調味粉，各有特色。叫咗水煮牛肉，辣度大約係中辣，麻辣味較輕，有牛肉，大豆芽，辣椒，木耳，紅薯粉等，可以當湯麵咁食。友人叫咗紅燒牛肉麵，牛肉足料有三大舊，有雪菜，蘿蔔等，牛肉和牛根都好冧入味，湯底好濃味，麵用左闊麵有咬口。飲品叫咗抹茶紅豆鮮奶，抹茶和奶味濃，解辣一流。