茶狼 (Closed)

今日黎中環呢頭醒起有比較少分店既茶狼，就帶朋友黎試試佢，桃茶飲咗幾啖先記得影相😂左邊係日本山梨縣鮮桃四季春奶蓋茶，係咪黎自山梨縣我就飲唔出啦，呢杯嘢飲好好飲，好飲過x茶。桃味唔會掩蓋左茶味，入面有好多新鮮果肉，唔會過甜，大熱天時飲好消暑芝士奶蓋嘅比例都好多吓，奶蓋味濃郁，係好飲嘅奶蓋，唔會係死咸既嗰隻芝士味。飲完成杯野會淨咗啲奶蓋喺度飲唔晒。如果係好鍾意奶蓋嘅朋友仔應該會飲得好開心。口感豐富，飲完滿足！右手邊係水果四季春。飲落唔覺得茶味有咩特別，容易入口，消暑解渴，帶有水果味。呢杯較普通，唔值呢個價錢。美心集團旗下既飲品價錢定位就真係偏貴啦。值唔值就見人見志啦。