時代冰室 (Closed)

去到太子，唔知食啲乜嘢嘢，見到呢間茶餐廳幾有人氣，就決定入去試試。打開餐牌，發現有好多選擇，除咗午餐餐牌，仲有激安餐牌，另有三眼仔煎蛋飯、韓式泡菜烏冬，亦有一般茶餐廳選擇。搞到心多多既我，一時唔知食邊樣嘢好。最後，午餐有餐飲送，就決定食兩個午餐。雞翼撈丁，味道普通，即磨咖啡幾好飲嘅。雙重芝士蕃茄焗飯，塊豬扒厚過平時嘅豬扒，有啲似豬鞍架，有啲驚喜，但飯底唔覺得特別多芝士，又無鮮蕃茄、洋蔥等配料，比較清寡。好立克有得揀濃啲、少冰、走甜，實在適合我呢啲比較挑剔嘅客人，味道實在冇得彈。整體經驗普通，但見到其他人介紹晚市有火鍋，另外都有三眼仔煎蛋飯，有機會都想再嚟一次，期待下次有更好表現。