Ocio (煙廠街) (Closed)

情人節好多餐廳都full booking，唯有早少少食完返屋企抖下。 誤打誤撞嚟到旺角ocio，其實睇招牌都唔係好睇得出ocio呢4隻字😂好似一個簽名。 門口以熊仔為主題，店員嘅制服都有熊仔嘅公仔。 裝修有歐陸色彩，入面座位唔多，不過都幾多人入嚟食。 以為入邊淨係得甜品，原來餐牌好多種類，咸食都幾多，其實我哋每樣都想試，是日有情人節晚餐，不過我哋兩個人咁早食，都係食返啲輕食。 奧斯牛柳粒鑊仔 $98鑊仔上，黎到已經聞到好大陣椒既香味。 上面有一隻半熟蛋，篤開蛋醬會慢慢流出來，牛柳粒份量都幾多，味道好香，煮得夠淋。 芝士入口感覺似食緊pizza，而薯粒係炸左既，雖然好多芝士，不過食落都唔漏。 奧斯芝士薯條 $53分量十足，薯條炸到金黃色，入口香脆可口。 面頭有大量芝士，令到薯條更加入味，大家都食到停唔到口，芝士迷唔可以錯過。 巨峰提子梳打 $39幾好飲，甜甜地唔會好酸，有巨峰味道，好開胃，中和薯條嘅油膩。 留意到原來有Melody同蛋黃哥pancake，好得意，可惜今日已經飽左，唯有下次再試。