Video
Read full review
2014-04-16
2392 views
3月26日, 呢間店以sell養生湯底為主, 都真係好少見, 今日我地有機會嚟試下, 因為係平日12點, 好似啱啱開咁, 仲未有人, 有好多位俾我地揀~::: 白高湯米線 + 芥末炸墨魚球 ::: $49所謂白高湯即係魚湯, 再加上杞子同魚仔, 就成為呢個米線~ 湯底不得不說真係非常之清甜, 魚味濃得嚟帶有少少杞子藥材味, 入口又唔會嗆喉, 同屋企煲嘅老火湯有得比~ 米線都索咗湯所以就咁食都已經好夠味, 亦唔會煮得過淋或者過硬, 硬度適中~ 另外, 一個米線可以配一款小食, 呢個芥末炸墨魚球好特別, 以為係墨魚滑撈咗d wasabi汁先至去炸, 點知一咬真係出咗事, 成pat wasabi汁噴出嚟咁滯~ 原來係墨魚球裏面包住咗wasabi, 一咬就好似爆漿咁嘅效果~ 墨魚球炸得好香脆, 肉地好彈牙, 加埋wasabi味道十分惹味, 不失為一個好配撘~::: 黑高湯葛粉絲 + 紅燒牛腩蘿蔔 + 凍奶茶 ::: $49 + 10黑高湯葛粉絲即係牛骨湯, 除咗用上牛骨同牛腩, 仲用上羅漢果, 牛味濃郁得嚟仲滲出陣陣甘甜. 葛粉絲好似d水晶粉咁, 口感極之煙韌彈牙, 索湯度雖然唔及米線, 但對
::: 白高湯米線 + 芥末炸墨魚球 ::: $49所謂白高湯即係魚湯, 再加上杞子同魚仔, 就成為呢個米線~ 湯底不得不說真係非常之清甜, 魚味濃得嚟帶有少少杞子藥材味, 入口又唔會嗆喉, 同屋企煲嘅老火湯有得比~ 米線都索咗湯所以就咁食都已經好夠味, 亦唔會煮得過淋或者過硬, 硬度適中~ 另外, 一個米線可以配一款小食, 呢個芥末炸墨魚球好特別, 以為係墨魚滑撈咗d wasabi汁先至去炸, 點知一咬真係出咗事, 成pat wasabi汁噴出嚟咁滯~ 原來係墨魚球裏面包住咗wasabi, 一咬就好似爆漿咁嘅效果~ 墨魚球炸得好香脆, 肉地好彈牙, 加埋wasabi味道十分惹味, 不失為一個好配撘~
::: 黑高湯葛粉絲 + 紅燒牛腩蘿蔔 + 凍奶茶 ::: $49 + 10黑高湯葛粉絲即係牛骨湯, 除咗用上牛骨同牛腩, 仲用上羅漢果, 牛味濃郁得嚟仲滲出陣陣甘甜. 葛粉絲好似d水晶粉咁, 口感極之煙韌彈牙, 索湯度雖然唔及米線, 但對濃郁嘅牛湯嚟講反而剛剛好. 個黑高湯葛粉絲材料唔多, 配上一個有d肉食嘅小食紅燒牛腩蘿蔔就剛剛好. 牛腩整成細細粒, 剛好一口一粒. 肉質軟淋滑溜, 亦煮得入味. 蘿蔔爽口無渣, 感覺都係心機製造.呢度主打養生湯麵加點心小食, 但估唔到茶餐廳嘅凍奶茶都做得唔錯, 茶同奶比例平均, 奶滑茶香, 仲夠晒大杯, 唔錯!
呢間以湯底為招徠嘅食店果然味道唔錯, 小食特別之餘都好好味. 價錢以lunch嚟講係比其他時間平, 但係喺呢區都較為貴咗d~ 如果佢地可以喺米線之外再加多幾款麵或者米粉就更加好~
Post
