Video
Read full review
2004-03-15
14 views
個conference終於搞掂，主辦單位的老細招待我們在這裡食番餐。星期日朝早人不多，而呢度日頭景致都好正。唔知係唔係同屬怡東的食肆都會係同一個經營模式，呢度的Sunday Brunch同樓下雙城吧一樣都係開十一點半，但價錢是貴三倍有多，要298蚊一位，當然在食物方面亦好好多。冷盤有蠔、蟹腳同翡翠螺三種選擇，蠔是細細隻的Kumamoto，好新鮮亦甜美，翡翠螺亦肉質爽脆，蟹腳雖然是不差，但相比之下是給比了下去；沙律及前菜都有好幾款，新鮮又好賣相，cheese platter都有5款供應，雖然不是什麼貴貨色，但都叫多選擇；熱盤水準都不錯，除了一般的豬牛羊魚外，亦有即煮長通粉同意粉，因人客不多，要食幾多都有；甜品又係有多款選擇，芝士餅、朱古力蛋糕、tiramisu等都有，有原件cut cake及小件的份量，各式其適，雪糕有四款，係用威化雪糕筒裝的，幾正。總括而言菜色係好多樣化，質數份量俱備，雖屬brunch buffet，但比起其他酒店的dinner buffet都毫不遜色。還包Eclipse Chandon Spain的汽酒任飲，呢個品牌個人來說是絕不會花錢去飲，個Brunch包埋當然一飲
唔知係唔係同屬怡東的食肆都會係同一個經營模式，呢度的Sunday Brunch同樓下雙城吧一樣都係開十一點半，但價錢是貴三倍有多，要298蚊一位，當然在食物方面亦好好多。
冷盤有蠔、蟹腳同翡翠螺三種選擇，蠔是細細隻的Kumamoto，好新鮮亦甜美，翡翠螺亦肉質爽脆，蟹腳雖然是不差，但相比之下是給比了下去；沙律及前菜都有好幾款，新鮮又好賣相，cheese platter都有5款供應，雖然不是什麼貴貨色，但都叫多選擇；熱盤水準都不錯，除了一般的豬牛羊魚外，亦有即煮長通粉同意粉，因人客不多，要食幾多都有；甜品又係有多款選擇，芝士餅、朱古力蛋糕、tiramisu等都有，有原件cut cake及小件的份量，各式其適，雪糕有四款，係用威化雪糕筒裝的，幾正。
總括而言菜色係好多樣化，質數份量俱備，雖屬brunch buffet，但比起其他酒店的dinner buffet都毫不遜色。還包Eclipse Chandon Spain的汽酒任飲，呢個品牌個人來說是絕不會花錢去飲，個Brunch包埋當然一飲無妨，味道較甜易入口，用來襯海鮮生蠔及肉類都OK。所以個餐雖然收得貴，但個人覺得都值回票價。
可惜的是要應酬主人家，所以就住就住，成程都不能開懷大吃，唯有下次再安排來吃過。
Post