DKLM Bar & Restaurant (Closed)

早排同朋友聚會，佢提議嚟到呢間酒吧貪可以坐得耐啲傾下計。我地坐左係窗邊嘅二人高枱，旁邊就係落地大玻璃望街景，感覺都幾開揚，而且好在呢度雖然係酒吧但又唔會好嘈，係可以傾計嘅好地方。一坐底首先送上小食，呢杯薯片份量都唔少，而且片片厚切，送酒一流！我請店員推介左款相對易入口嘅白酒，果然唔會太嗆喉，味道比較清，送油膩嘅肉類特別襯。朋友唔飲酒精，所以叫左呢杯叫Mango paradise嘅mocktail，賣相吸引，飲落更加有新鮮芒果夠晒香甜。呢度雖則係酒吧，但食物選擇都幾多，我地散叫了幾道小食同主菜。徳國香腸拼盤呢盤香腸拼盤有三款唔同嘅香腸，煎得香而不膩。香煎雪魚柳 拼橘子沙律沙律配上橘子肉粒份外清新，雪魚煎得表皮香脆，肉質就保持到嫩而唔會覺得乾。鹽燒蒜香和風牛肉牛肉選材唔錯，食到香濃牛肉味，燒起嚟仍能夠鎖住肉汁。