祥興記上海生煎包 (Closed)

我本身對生煎包無咩特別興趣，又未到晚飯時間，同男朋友又有少少餓，男朋友話想食生煎包，所以就去左呢間食少少野醫下肚先，呢間鋪係開放式廚房，先落完單比完錢，職員會拎埋過黎比你，店鋪仲會有教客人正確食法，店鋪亦有好多唔同款式既生煎包，我地今次叫左個招牌生煎包，$30/4粒，我食既時候都好小心，驚啲湯會燙親，佢地既生煎包個皮好薄，好足饀，啲餡又唔會有好多肥肉，生煎包入面好多湯，啲湯又夠熱，但又唔會太過油，食完都唔會覺得好有罪惡感，下次會試下其他款式既生煎包。