祥興記上海生煎包 (Closed)

重陽有一日假，又咁好天氣，當然唔可以留係屋企啦，今日決定出去搵好野食~黎到深水埗，要食番之前因外賣而變得無咁好食嘅祥興記。店鋪唔係好大，坐位大約只有10個左右。生煎包只有3款味道: 招牌、鮮蝦、黑松露招牌(2隻)+黑松露(2隻)+凍豆漿 $42招牌(2隻)+鮮蝦(2隻)+凍豆漿 $53堂食真係比外賣好食好多。熱辣辣，底部卜卜脆。一咬落去，入面嘅肉汁湧晒出黎。招牌肉質鮮甜。鮮蝦唔算大隻，但算彈牙。最鍾意都係黑松露，黑松露嘅香氣真係沒法擋。仲有溫馨提示: 黑松露唔需要加醋，會更加好味豆漿係支裝，行到熱辣辣，飲完透心涼。

周圍走，搵lunch食。咁岩行左入黎，一個字，正。三寶套餐，乜都試下，好岩我。皮薄多汁，爆出黎。同係上海食過個啲好似，味道好夠，咩汁都唔洗點。可惜半個月後就結業....so sad

這間祥興未紅之前，在荃灣是長龍店。食過一次，好好味。但要等半個鐘玻璃內看著師傅們即包即煎，新鮮熱辣到手。燙口爆汁，真係好正。可惜舊店已關店了。-這日在深水埗遇上它的分店，沒有即包即煎，有點擔心，但見倒有下午茶餐，即管一試。下午茶 $35招牌生煎包4隻連飲品乖巧的我按著牆上推薦吃法來吃，先咬開；皮好薄，把汁吸走一半，湯觧甜好味，可惜不燙口了，是溫的。把醋從缺口加進去，再一口吃下，太美味了。包底部香脆，上面則皮薄餡靚，醋酸甜解肉膩。很喜歡。配餐選了酸梅湯，普通貨色啦。-如果價錢便宜一些，包即叫即煎熱一些，我會常常來。

生煎包在很多上海菜館，都可以找到。 早期是上海茶館的佐茶小吃，後來逐漸走出茶館，成為街頭小食。祥興記的上海生煎包，因「底脆、皮薄、多汁」而聲名大噪，更榮登米芝蓮芝列！生煎包是招牌之選，上面鋪有芝麻，包身煎得香脆金黃，當然要點來試試。店內貼有溫馨提示，提醒客人如何進食生煎包，相當貼心！招牌併黑松露生煎包 $53/4原味生煎包上面鋪有香口芝麻，包身煎得乾爽，沒有過多油份，咬下去包底極脆，而且湯汁一湧而出，先吸去一半肉汁，然後再將整個生煎包放進嘴裏，不錯！黑松露生煎包更帶松露香氣，一吃再吃，水準之上！

一直以來都想試長興既嘅生煎包好耐，因為佢標榜自己連續幾年都係米之蓮嘅推薦餐廳。嗰日同男朋友懷着興奮又期待嘅心情，見佢午飯時間都完全唔使等位，已經有啲疑心。坐低望下個餐牌，價位尚算可以接受，生煎包嘅餡料都比坊間多選擇，於是我哋就嗌左三拼嘅生煎包，心諗可以一次過試晒三款口味。唔使好耐食物已經黎，一咬落去並唔係全部都新鮮煎起，最基本嘅豬肉餡我懷疑個餡仲未全熟，因為咬落去啲豬肉有啲淋同埋凍凍地。至於黑松露應該係三款裏面最好食嘅，雖然你問我, 我就覺得佢同生煎包並不是好夾，但最起碼佢係新鮮即製，衰極有限！由於上枱時佢個賣相都好一般，所以好鍾意相機食先嘅我哋，都影完一張相就匆匆放落口嚕

今日星期一Monday blue, 見到plum有得order我鍾意食嘅祥興記生煎包過黎九龍灣，所以食左一客～$35 四隻～喺office樓下拎到上黎打開都感覺到個盒仲有啲熱，打開左之後見到有醋，我一下倒落去就開始試味～ 食落真係唔熱，不過個皮都仲係脆，而且入面有湯，咬落都係會爆湯汁，係比堂食無咁熱，味道一定無堂食咁好，但外賣黎講，算合理。而且係返工時間可以安坐office食到，已經係一種幸福～！建議想再熱啲，其實可再放入公司微波爐叮一叮，相信效果會更好～

第一次吃祥興記的時候，我的確不禁咋舌，以小吃店形式來說，有點略貴啊。大概是這種心態影響，第一次吃的時候，的確沒什麼感覺。及後幾次在深水埗經過都會點上一份外帶，或者網上訂餐也會點到，但這一次第一次在當店馬上出。我們點了一份招牌生煎包（4隻），還有一份特色三拼（招牌、鮮蝦、黑松露）各兩隻。招牌的是一貫的好吃，最喜歡煎透了的底及湯汁。鮮蝦稍微覺得沒什麼特別，點上招牌感覺還更滋味。黑松露的味道濃郁，只是吃的時候要小心不要把湯溢出，免得浪費了黑松露呢。雖然這個真的偏貴，十幾塊一口飽，但我覺得還是值得一試的。店裡面還有拌面那些可以點，不過我覺得還是吃皇牌食物就好了，讚！

Delicious, and taste just like the ones in Shanghai. I went during a slow time and the buns I got were starting to get slightly dry on the outside, but the inside was still super hot. The owner was super friendly and I could tell he really took pride in his buns. Tip: adding vinegar is a must and really balances out the fattiness of the filling. Standing room only. Cash only.

鋪頭位置不太顯眼，入面坐得十個人左右，不過佢做外賣生意嘅多，我哋都唔使等就有位。叫咗兩個蔥油拌麵套餐，內含有一杯豆漿一碗蔥油拌麵同兩個生煎包。兩個人驚唔夠食，另外加多兩隻鮮蝦生煎包同埋兩隻黑松露生煎包。鋪頭好細心咁用芝麻去區分生煎包嘅味道，多黑芝麻嘅係黑松露，正常分量黑芝麻嘅係原味，白芝麻嘅係鮮蝦。生煎包皮好薄而個底又煎得夠脆。三種生煎包入面黑松露最香不過冇咩汁，鮮蝦最多汁不過我覺得生煎包入面有蝦有些許唔夾，我都係覺得原味最好食。食嘅時候真係要小心我有兩次都畀啲汁彈到塊面蔥油拌麵蔥油同乾蔥夠香，加埋啲撈麵嘅汁汁都好好食。個人認為呢間舖嘅生煎包價錢偏貴，如果淨係想食生煎包食到飽嘅話會好破費，不過佢有好多唔同選擇而又幾抵食嘅套餐（麵+包），咁就可以食到生煎包過口癮之餘又夠飽肚。

早排同朋友遊深水埗食咗好多嘢😤之前已經聽過好多人話祥興記生煎包幾好味，今次就嚟試下啦😆鋪頭嘅座位唔多，如果食飯時間可能就要等下喇🤔#下午茶套餐 C ($54)😋好味指數：(7.5/10)鮮蝦生煎包×2黑松露生煎包×2生煎包嘅皮都幾薄，底部煎到脆脆地，不過就有少少偏硬🤔🍤入面見到都幾大隻蝦係到，一咬落去都幾多汁😚豬肉餡食落去都幾香， 唔記得點醋添🤣🍄一咬落去已經聞到好香嘅黑松露味，望落去入面加咗好多黑松露，表示滿足😍後記💁🏻‍♀💁🏻‍♂其實呢度嘅生煎包都幾好味，不過價錢就有少少貴😚.⭐溫馨小提示📌下午茶套餐供應時間為14:00-18:00📌生煎包入面嘅熱湯好容易濺出，建議先咬開一小口，小心啜吸湯汁😚📌黑松露生煎包無需加醋更美味😆

第一次食祥興記做下午茶早早已久仰大名佢嘅生煎包XD雖然佢仲有黑松露同其他口味都好吸引不過第一次當然要試試原味先啦！今次order了一個下午茶set hkd38有4粒生煎包跟飲品火麻仁強烈建議大家要揀係堂食因為如果係街上食一定會勁呢hea包入面有好多湯汁 仲熱辣辣另外包底可是煎得非常香口不過稍為有點點太厚同硬肉餡都幾豐富同juicy的食完4粒好滿足！！堂食仲醋同辣醬可以點個人覺得咩都唔駛加就咁食 is the BEST不過呢...我就建議大家唔好order餐飲啦特別係呢枝火麻仁完全係奇怪味加勁甜飲左一啖就唔想再飲了...推薦: 生煎包

我本身對生煎包無咩特別興趣，又未到晚飯時間，同男朋友又有少少餓，男朋友話想食生煎包，所以就去左呢間食少少野醫下肚先，呢間鋪係開放式廚房，先落完單比完錢，職員會拎埋過黎比你，店鋪仲會有教客人正確食法，店鋪亦有好多唔同款式既生煎包，我地今次叫左個招牌生煎包，$30/4粒，我食既時候都好小心，驚啲湯會燙親，佢地既生煎包個皮好薄，好足饀，啲餡又唔會有好多肥肉，生煎包入面好多湯，啲湯又夠熱，但又唔會太過油，食完都唔會覺得好有罪惡感，下次會試下其他款式既生煎包。

今日放工之後有啲遲，只係得十幾分鐘食個lunch，唔想掃街同埋食麥記，所以最終揀左食生煎包。舖頭的骰，唔多位，不過乾淨企理。因為有自備水，所以冇點套餐，只係散嗌左四隻生煎包。生煎包全部都係新鮮整，熱辣辣，仲好多湯！包皮夠薄，底部既皮好脆好正！佢仲有張紙教路應該點食先係啱！因為個包真係好多湯同埋啲湯比較熱嘅關係，要食得好小心！因為真係好味嘅關係，我已經唔係第一次黎。不過有時唔會想一次食4隻，如果有得叫少啲會好啲。仲有如果唔用紙碟，用可再用碟都會更好。

咩叫正宗生煎包，生煎包係熱食而五係凍食但我排隊買野食既時候，已經見到鑊裏生煎包皮面已乾同硬，我見到不想買真心講句係比客食，而五係求其比客食，為左方便自己工作，問心人地調轉整番比你食，你會點諗我見收銀女職員對食客呼呼喝喝，黑口黑面不會光顧

呢間米芝蓮第一間分店應該係荃灣，兩年前我們已經開始光顧，舊年拿了獎，我們就有些擔心，果然過了一個星期就執笠。現在竟有開了如此多間，當然要返來食啦！見到老闆娘係度轉動大鐵獲，煎小籠包，已經覺得食指大動。可能因為地方偏僻d，都唔需要排好長時間就已經有位，照舊order套餐，掙扎著要2個還是4個包，還是選擇了4個，寧願食到窒個皮真係好薄，而下方麵皮匯聚在一起的地方又很脆很有麵粉香，輕輕咬開外皮，加入一點香醋，喝一點湯，非常鮮美，裡面的肉餡充滿脂香，很嫩滑。就算這碗看起來很簡單的湯也很美味，就是如果可以豆腐羅布雙拼就好了，只能一人點一款share啦！