Video
Read full review
2021-03-18
261 views
好耐都冇出街食過飯，今日好想試吓呢間改咗名嘅堅信號生煎皇，因為以前都食過都算係fans嚟㗎！我喺呢個勁鍾意食辣嘅人見到舖頭出咗一系列麻辣食品我勁開心！我即刻要食呢個麻辣酸菜魚！雖然佢唔係話好大碗因為講明係一人份量，但係我覺得其實都算有少少驚喜。其實佢配料好豐富啦，首先有主角魚啦有好多酸菜啦亦有芽菜，仲有豆腐同埋有我最鍾意食煙煙韌韌嘅紅薯粉，我覺得不斷食不斷掘入去就有不同驚喜。其實一人食都幾夠同埋我覺得越食越有驚喜幾滿足，而主角魚呢我覺得應該係用舖頭另一個套餐糖醋黃魚嘅黃魚，黃魚食落去呢肉味比較重同埋肉身比較粗糙，不過冇咁配合酸菜魚，如果轉鯇魚或者其他魚唔知會唔會好啲呢？哈哈之後繼續展開一系列麻辣之旅：我叫咗蒜泥白肉呢個又係我一直好鍾意食嘅菜式小食，一片片厚薄適中嘅蒜泥白肉配上香濃蒜蓉加酸汁非常惹味令人食指大動一想再食！仲有麻辣萵筍同牛柏葉。萵筍唔係好多餐廳有得食，同埋價錢都偏貴。我覺得呢度性價比算係唔錯，萵筍好爽配上少少麻辣更加覺得可以令萵筍嘅平凡變得不平凡，而牛柏葉呢都好耐冇食出邊都貴，佢個牛柏葉我覺得做得幾好，好爽身同埋好多湯汁加埋麻辣係非常之配合滿足我呢個麻辣腔！咁呢仲有京蔥牛肉
我喺呢個勁鍾意食辣嘅人見到舖頭出咗一系列麻辣食品我勁開心！我即刻要食呢個麻辣酸菜魚！雖然佢唔係話好大碗因為講明係一人份量，但係我覺得其實都算有少少驚喜。其實佢配料好豐富啦，首先有主角魚啦有好多酸菜啦亦有芽菜，仲有豆腐同埋有我最鍾意食煙煙韌韌嘅紅薯粉，我覺得不斷食不斷掘入去就有不同驚喜。其實一人食都幾夠同埋我覺得越食越有驚喜幾滿足，而主角魚呢我覺得應該係用舖頭另一個套餐糖醋黃魚嘅黃魚，黃魚食落去呢肉味比較重同埋肉身比較粗糙，不過冇咁配合酸菜魚，如果轉鯇魚或者其他魚唔知會唔會好啲呢？哈哈
之後繼續展開一系列麻辣之旅：我叫咗蒜泥白肉呢個又係我一直好鍾意食嘅菜式小食，一片片厚薄適中嘅蒜泥白肉配上香濃蒜蓉加酸汁非常惹味令人食指大動一想再食！
仲有麻辣萵筍同牛柏葉。萵筍唔係好多餐廳有得食，同埋價錢都偏貴。我覺得呢度性價比算係唔錯，萵筍好爽配上少少麻辣更加覺得可以令萵筍嘅平凡變得不平凡，而牛柏葉呢都好耐冇食出邊都貴，佢個牛柏葉我覺得做得幾好，好爽身同埋好多湯汁加埋麻辣係非常之配合滿足我呢個麻辣腔！
咁呢仲有京蔥牛肉湯麵，牛肉嘅份量都幾多而配料京蔥青椒紅椒配合埋一齊非常之香，不過呢可以少返少少油咁就可能更加健康啦。而我哋呢又好想食軟夾包，咁呢將京蔥牛肉夾落呢熱辣辣又柔軟滑夾包到一齊食，又可以自創一個新菜式啦！
跟餐呢又揀咗雞絲粉皮，我覺得呢個係清新自選！唔好睇佢跟餐可能份量好細，我覺得份量幾夠，雞絲清新配上麻醬而粉皮係呢到非常之清新，成件事好Fresh，我覺得好啱春夏天食一成個人冇咁悶熱。
咁呢仲有灌湯小籠包，跟晚市套餐送灌湯小籠包。我覺得做得非常好，用筷子夾起呢已經見到湯汁嘅匯聚，一食落口呢醬汁嘅份量充斥着成個小籠包，我覺得好好味同埋跟餐送兩個係好抵食，又可以試唔同野，我覺得成個晚市套餐好豐富。
跟餐仲有茉香綠茶送，我個人係非常之鍾意飲茉香綠茶嘅，係我最愛嘅茶之一！不過如果餐廳可以有凍嘅抹香綠茶揀就更加好！不過個茉香綠茶呢就應該係冇甜味嘅，因為你飲落去呢其實茶味非常香濃！好多餐廳做唔到甚至去嗰啲茶飲店好多時飲嘅茉香綠茶呢都係唔夠濃嘅茶味同唔夠香味，但呢度呢就非常之香濃。如果可以加返少少蜂蜜或者糖漿中和返嗰個甘醇嘅味道呢，我覺得成件事會更加配合更加好飲，如果加埋珍珠就好啦😍我係一個珍珠奶茶腔，如果有埋呢兩樣條件嘅配合呢我一定會成日嚟飲呀！！仲有如果飲品可以加多啲選擇就更加好啦！
同埋點可能吾食堅信號生煎包呀！生煎包外表雖然的的式式但係非常有內涵，好脆口而且醬汁真係超多，一啖一個充滿滋味！
啱啱好！我覺得餐廳服務、裝修同埋食物質素都比我以前食過更加有進步，我覺得而家更加先進人性化，我覺得值得支持！加油
Post
