樂園牛丸大王 (Closed)

放工後飛車出旺角,等千里兄齊齊睇波.凌晨時份的街道,行人不多,呆企亦不是辨法,就找個地方醫醫肚.樂園牛丸多年來斷斷續續都光顧了好幾次,的確近年的水準是下跌中,但說到底,依然是有一定的捧場客.宵夜餐連一杯飲品亦只是廿蚊,一點都不貴.黑椒牛肉丸河粉 : 果然是店方名物,咬落煙韌彈牙,肉味香濃,丸身佈滿小孔,反而令肉丸不會死實,河粉淥得過火,無乜米香,湯底似乎淡口了些,配上凍檸檬茶,呷完千里還未到,一於轉戰另一間食店.