Video
Read full review
2010-08-27
41 views
大約兩星期前, 師傅與一班好友齊齊去欣賞由靚仔正哥主演嘅歌舞劇, 而呢套歌舞劇由晚上七點九開騷到十一時先完! 當散場後師傅同一班好友當然係搵地方醫肚啦, 於是師傅就叫呢個環頭嘅地膽封筆食家"今餐食乜好"帶路, 但由於比較夜, 所能選擇的食店真的不多, 喺冇得選擇嘅情況下黎左呢間食店!一行九人但竟然要分開兩枱, 而與師傅同枱就有好友亨利伉儷, 好友食家"乜都放入窿"同埋 “窿之女友”! 坐底後大家都立即睇下有咩好食啦, 師傅望住個餐牌見到寫住 “正宗潮州粉”, 於是諗一諗就決定要碗紫菜魚蛋米同埋凍檸茶; 至於亨利伉儷就一人柯打一碗粉麵, 而好友食家"乜都放入窿"同埋 “窿之女友”就揀左滷水蛋, 炸兩, 牛脷酥同一碗粉麵等啦!由於人多所以等嘅時間亦較內, 而最快登場嘅係滷水蛋, 滷水蛋要左兩隻, 每隻切開左兩邊, 半隻滷水蛋個賣相用一個字足之形容, 就係 “差”, 滷水蛋色水唔靚, 淡淡的滷汁一望埋去就知滷得唔夠時間, 味道肯定唔會太吸引, 師傅睇到已經冇興趣試食喇, 估都估到好食得去邊呀! 到師傅碗紫菜魚蛋米黎到時, 師傅當場打個突, 皆因第一眼望埋下勁似魚蛋米, d紫菜一條都唔見, 於
一行九人但竟然要分開兩枱, 而與師傅同枱就有好友亨利伉儷, 好友食家"乜都放入窿"同埋 “窿之女友”! 坐底後大家都立即睇下有咩好食啦, 師傅望住個餐牌見到寫住 “正宗潮州粉”, 於是諗一諗就決定要碗紫菜魚蛋米同埋凍檸茶; 至於亨利伉儷就一人柯打一碗粉麵, 而好友食家"乜都放入窿"同埋 “窿之女友”就揀左滷水蛋, 炸兩, 牛脷酥同一碗粉麵等啦!
由於人多所以等嘅時間亦較內, 而最快登場嘅係滷水蛋, 滷水蛋要左兩隻, 每隻切開左兩邊, 半隻滷水蛋個賣相用一個字足之形容, 就係 “差”, 滷水蛋色水唔靚, 淡淡的滷汁一望埋去就知滷得唔夠時間, 味道肯定唔會太吸引, 師傅睇到已經冇興趣試食喇, 估都估到好食得去邊呀! 到師傅碗紫菜魚蛋米黎到時, 師傅當場打個突, 皆因第一眼望埋下勁似魚蛋米, d紫菜一條都唔見, 於是師傅摷下碗底, 先發現有少量紫菜, 喺嗰一刻師傅先知d紫菜原來咁貴的!
第一啖當然係試下湯底, 味道偏咸而味精亦甚重, 湯底絕不討好, 而魚蛋米有四片魚片三粒魚蛋, 魚片又係多過魚蛋, 由此亦証明魚蛋係貴過魚片好多喇, 魚片爽口但偏咸, 魚蛋就爽口彈牙, 水準反而不差, 至於米粉亦煮得比較求其, 所以入口都幾硬, 絕不好味, 整體而言絕對唔合格! 之後師傅亦忍唔住要試下炸兩同牛脷酥, 發覺炸兩嘅腸粉唔滑, 油炸鬼就好腍好韌, 唔掂; 而牛脷酥亦凍冷冷, 入口又硬又乾, 硬嘅情度拍得住師傅條頸, 乾嘅情況亦好比師傅嘅荷包, 妙絕! 而凍檸檬茶就一般, 但環觀全場可能係最好味!
總括黎講食物水準絕對唔合格, 服務態度一般, 環境亦唔算太舒服, 乾淨度偏低, 而價錢一般啦, 廿幾蚊碗粉, 飲埋野三十幾蚊啦, 喺師傅角度黎講就絕對唔抵食喇! 不過夜媽媽冇咩選擇, 難得有個地方比你醫下肚仲想點? 順帶一提係食飯期間, 有位阿姐不斷拖地, 而且漂水味勁重, 真係幾影響食慾, 所以一定冇下次, 喊臉係要一比!
Post
