點一龍 (海港城) (Closed)

星期日係泊車旺季，所以要搵到一個可以泊到車嘅商場先有得食飯，咁啱海港城有呢個200蚊泊四個鐘嘅優惠，所以海港城已經成為咗成日搵食嘅商場，由於夜晚排隊食飯嘅人太多，所以就越行越遠，行到去海港城嘅最尾端，見到有間點心店，太肚餓，入到去見到有信用卡優惠，又冇人排隊，所以就直接行到入去食。服務就比較差因為好幾次請侍應幫手都冇人理我哋😭食物方面中規中矩，當中有一個脆皮蝦腸粉幾好食，就等於春捲同腸粉嘅融合版，而且亦都有嗌其他點心例如蝦餃，但係原來係三隻蝦餃一籠，有啲唔太夠喉嘅感覺。