Video
Read full review
2006-06-25
16 views
想試下新o野，所以今晚同媽咪o黎呢度食~~夜晚去到，個menu 仲係放中午個套餐menu~ 點知入去先知原來冇套餐！見個menu ，壽司要逐件計，每件要成三十蚊，所以就叫o左一碗三文魚泡飯，一個鰻魚飯，兩個三文魚子手卷同一個$140 o既甚麼甚麼七色彩虹板壽司，諗住兩個人都實夠…哇~ 碗三文魚泡飯話就話係main course，但細碗到好似食前菜咁~ 兩淡就食晒~個手卷係得o的魚子大粒，但就好齋好寡冇咩味，紫菜又唔脆，屋台屋做得好o的~個咩七色彩虹板壽司... 每一舊都好迷你，o的魚生「薄-chit-chit」，件件o的飯仲有o的好騎呢o既香草味~ 搞到你都分唔到o的魚係唔係新鮮，呢浸「徐」真係唔係個個接受到~成晚係得個饅魚飯正正常常~埋單$405，每人二百幾蚊，都唔知食左o的乜~ 唔憤氣去UNY 買平價壽司再拆過，媽咪話廿蚊一兜四件o既蟹子壽司仲新鮮仲好食喎~我想搵日晏晝再o黎下，睇下係咪都係咁差~
所以今晚同媽咪o黎呢度食~~
夜晚去到，個menu 仲係放中午個套餐menu~ 點知入去先知原來冇套餐！見個menu ，壽司要逐件計，每件要成三十蚊，所以就叫o左一碗三文魚泡飯，一個鰻魚飯，兩個三文魚子手卷同一個$140 o既甚麼甚麼七色彩虹板壽司，諗住兩個人都實夠…
哇~ 碗三文魚泡飯話就話係main course，但細碗到好似食前菜咁~ 兩淡就食晒~
個手卷係得o的魚子大粒，但就好齋好寡冇咩味，紫菜又唔脆，屋台屋做得好o的~
個咩七色彩虹板壽司... 每一舊都好迷你，o的魚生「薄-chit-chit」，件件o的飯仲有o的好騎呢o既香草味~ 搞到你都分唔到o的魚係唔係新鮮，呢浸「徐」真係唔係個個接受到~
成晚係得個饅魚飯正正常常~
埋單$405，每人二百幾蚊，都唔知食左o的乜~ 唔憤氣去UNY 買平價壽司再拆過，媽咪話廿蚊一兜四件o既蟹子壽司仲新鮮仲好食喎~
我想搵日晏晝再o黎下，睇下係咪都係咁差~
Post