添好運點心專門店 (Closed)

今晚特然好想食點心，酒樓夜晚又無得食啦，就諗起其實有添好運！我地兩個人叫左七樣點心，有燒賣，粉果，菠蘿叉燒包，蝦腸，炒麵，同煎堆。雖然知道食點心好油膩，但我都唔理得咁多。點心叫完唔洗5分鐘即刻送到，熱辣辣。推薦:菠蘿叉燒包個皮非常香脆，面包鬆軟，個涵好足料，咬到粒粒叉燒，真係想食多幾個。奶皇煎堆炸到金黃香脆，個奶黃甜度恰到好處，一啖咬落去，熱到咀都辣親。唔推:炒麵超級油，食完成個咀唇好似搽完潤唇膏咁，而且塊量超少。其實個茶真係只係有色既水，大可以唔收茶位錢。另外啲碗同杯都幾污糟，呢一個要改善下。