Amplifier Restaurant (花園街) (Closed)

朋友聚會揀咗旺角呢間西餐廳 星期五放工時間嚟到已經全場爆滿live band 🎶已經開始 唱咗唔少英文歌 張國榮經典歌雖然我地個座位好入，完全見唔到個台但係一路食野一路聽歌都幾好丫～4人晚餐份量頗多 ！ 有餐湯 、主菜（三選二） 、甜品 、飲品。絕對夠飽 ，但坦白講食物質素好一般😅😅 有待改善.餐湯同ABC罐頭湯一樣味 意大利飯醬汁好味，但飯粒口感偏硬 . 大家一致覺得最差係威靈頓牛柳 乾到不得了.... 甜品以為係芝士蛋糕，但食落似木糠布甸忌廉咁，其實大家都唔知食緊咩，放棄左. 我自己覺得成個餐最好得白酒忌廉汁青口 ＆一口西班牙乳豬 😋呢度勝在環境氣氛唔錯，適合聚餐。