花都餐廳

Item: 花都餐廳
Rating: 5
Author: samsiu1628

4.5

17 Reviews

Taste

Decor

Service

Hygiene

Value

1307

Causeway Bay

$101-200

Hong Kong Style Western Brunch Steak House Tea Restaurant

Copied to Clipboard

samsiu1628

Level1

夜晚拍拖喺銅鑼灣想鋸扒，記得朋友喺WhatsApp group提過花都餐廳好食，就走咗去試下。一行到入去，見到都幾旺。依間餐廳環境舒適，裝修好有懷舊嘅味道，適合想喺夜晚搵間氣氛好嘅餐廳鋸扒嘅朋友。我哋嗌咗煙三文魚沙律做開胃菜，師傅俾咗幾塊好大塊嘅三文魚，食落又好食又開胃。我嗌咗煎大蝦伴牛柳餐，而女朋友嗌咗鐵板雞扒餐。WhatsApp group提到去到花都餐廳一定要飲羅宋湯，所以我揀咗羅宋湯做餐湯。果然好香濃，用料好足，你哋可以睇下啲湯色好靚，真係超好飲。而女朋友飲咗忌廉湯，個忌廉湯好滑、忌廉味好重，應該係真忌廉，而唔係一般餐廳果種麵粉溝水嘅湯。正餐個大蝦仲大過我隻手掌，鮮美可口，食得好滿足。而牛柳又tender又juicy，加上好濃肉香味，唔似有啲餐廳落咗鬆肉粉咁霉。女朋友嗌嘅雞扒都勁大份，外面嘅皮好酥脆、肉質鮮嫩多汁，用鐵板上令到佢好香口。用黑椒汁淋落去發出「渣渣」聲好有感覺！值得一提嘅係，服務態度好好，食得好愉快。埋單果陣發現免加一，真係估唔到晚市唔需要加一，真係好公道啊。整體嚟講，用餐體驗幾好，係夜晚鋸扒嘅絕佳選擇。。

Read full review

夜晚拍拖喺銅鑼灣想鋸扒，記得朋友喺WhatsApp group提過花都餐廳好食，就走咗去試下。
一行到入去，見到都幾旺。依間餐廳環境舒適，裝修好有懷舊嘅味道，適合想喺夜晚搵間氣氛好嘅餐廳鋸扒嘅朋友。
我哋嗌咗煙三文魚沙律做開胃菜，師傅俾咗幾塊好大塊嘅三文魚，食落又好食又開胃。
我嗌咗煎大蝦伴牛柳餐，而女朋友嗌咗鐵板雞扒餐。WhatsApp group提到去到花都餐廳一定要飲羅宋湯，所以我揀咗羅宋湯做餐湯。果然好香濃，用料好足，你哋可以睇下啲湯色好靚，真係超好飲。而女朋友飲咗忌廉湯，個忌廉湯好滑、忌廉味好重，應該係真忌廉，而唔係一般餐廳果種麵粉溝水嘅湯。
正餐個大蝦仲大過我隻手掌，鮮美可口，食得好滿足。而牛柳又tender又juicy，加上好濃肉香味，唔似有啲餐廳落咗鬆肉粉咁霉。
女朋友嗌嘅雞扒都勁大份，外面嘅皮好酥脆、肉質鮮嫩多汁，用鐵板上令到佢好香口。用黑椒汁淋落去發出「渣渣」聲好有感覺！
值得一提嘅係，服務態度好好，食得好愉快。
埋單果陣發現免加一，真係估唔到晚市唔需要加一，真係好公道啊。
整體嚟講，用餐體驗幾好，係夜晚鋸扒嘅絕佳選擇。