Uncle Tetsu's Cheesecake (Closed)

夜晚黑要留係公司做野，其實都真係幾辛苦！T。T今晚就係咁，輪到我同另一位同事留係公司做野。唔知點解，勞碌完一輪之後，一到半夜，就會覺得公司D冷氣真係特別凍，係又凍、又餓、又攰既情況下，就算D人講夜晚食野會致肥都好，我都會覺得係呢個時候一定要食返D野黎補充返D體力，順便提下神，咁先可以繼續趕工。係今晚，我同事就喺我好攰、好餓、好眼訓既時候，同我講佢返公司之前買咗呢個芝士蛋糕，打算一齊食！正～相比起其他蛋糕店，呢個蛋糕盒其實都幾特別。不過我份人粗魯咗少少，打開個盒既時候，一野就整爛咗少少。拎咗個芝士蛋糕出黎，見到上面個印，個大叔光頭得黎有幾根頭髮，帶住廚師帽又帶埋副眼鏡，塊面圓碌碌，真係好可愛啊！我又黎切蛋糕啦！切俾親愛既同事們，我好用心切，切出黎都好靚。之前食過好多唔同既蛋糕，有輕芝士蛋糕﹐食落去好輕、好soft，又試過買D細細個既cheesecake，開頭仲擔心咁細個會唔夠食，點知個蛋糕好實，細細個就啱啦！但係今次呢個芝士蛋糕真係介乎兩者中間，一定唔係之前食嗰D咁實既，又唔係D好soft既，軟硬適中。食落仲有淡淡既芝士味，唔錯喎！感覺唔係太heavy，所以再食多一件。同事話呢間鋪之前新