Soul9+ (Closed)

一齊共事咗4年嘅好同事離職了，非常不捨得，難得她轉到新嘅工作環境，都不忘搵我食飯傾吓偈，當然要請佢食好啲！呢間soul9+，喺正北角站出口，門口卻喺係住宅大廈嘅後巷，方便得來又有啲隱秘，真係啱哂我地收工容易去到，又可以享受個清靜環境吹吓水。呢日星期一晚人流唔多，餐廳內部裝修以藍色為主調，牆上掛著不同的裝飾物襯托破舊木紋的餐桌，帶出簡單而原始的格調。我地兩個女仔，食唔到好多嘢，點了三款食物。黑松露.海膽.鵝肝芝士意大利飯$128率先上碟，點嘅時候真係冇諗過係分開三種口味，真係幾有新意，而且三款出嚟嘅效果都唔錯。當中我覺得最好嘅係鵝肝，煎得夠香脆，軟身嘅鵝肝配上煙韌嘅飯口感同味道都一流。白酒橄欖油焗燒春雞配燒汁薯菜＄128，春雞嘅size都好大，雞皮覺得好香脆，薯條都係即炸嘅，除咗雞胸之外其他部位嘅肉都很滑。原本想叫佢個招牌菜煙燻鴨胸杯，可惜冇得賣，我哋就轉左要蟹肉沙律粟米片$88，點知真係相當有驚喜！蟹肉沙律非常足料而且調味剛好，啖啖都有大量新鮮味蟹肉，香草檸檬醬好醒胃，啱哂宜家呢個悶熱天氣，我同同事都大力推薦呢道必點菜色！😍我地兩個養生女生亦都好欣賞西餐廳有紅棗蜜飲，養顏又保身嘅選擇。