泰 (銅鑼灣廣場二期) (Closed)

今日比較夜食晚飯，搵餐廳，都要留意間餐廳收幾點，今次揀食泰菜，上到去唔使等位，就入得坐，環境寬闊，坐得舒服。叫咗個2人餐食，加錢換咗冬陰公同明爐烏頭。海鮮冬陰公，有蝦，墨魚仔，青口各2隻。辣度為任何人都飲到，如果同行小朋友，都唔怕佢飲唔到。明爐烏頭，條魚正常Size，厚肉，個湯底偏淡，唔咸，就咁食岩岩好，送飯就可能會覺得唔夠味。串燒揀咗牛豬，味道適中，唔咸，就算唔送飯，就咁食都好。炒雜菜，呢個有少少辣，辣得惹味，好好食。