Video
Read full review
2008-10-15
11 views
對不起這一篇比較長，個「喊表情」唔係食物質素，係服務質素。請耐心閱讀，相當感謝女朋友老早已留意這間新的日本餐廳，睇雜誌介紹相當吸引，由於比較近我工作地方，所以之前就與同事試過午餐，評語係食物不錯，不過服務比較粗疏（漏單），可能因為新開張運作未順，尚可接受，還有就是比較貴，當去＜潮樓＞飲茶食到飽都只係$70一位，旺角女人街都要＄５０蚊一位就相對比較貴了，晚飯的話就相當抵，偶然一試無妨。今晚打完波，為了一試這間新舖，明知＜十勝＞收11點都與女朋友趕落旺角，十點到達，過了晚市時間只剩三四枱客，侍應小姐提醒我們收11點，我們快點了幾個菜：1. 網燒汁厚燒豬扒飯套餐2. 地獄汁薄燒豬扒飯套餐3. 芝麻汁露笋沙律4. 免治芝士豚肉5. 豚肉串燒6. 可樂一杯7. 紅豆糕上次食套餐，向女朋友提過面豉湯有蜆肉，好有心思，話剛說完就有位「大姐」跟我們說，面豉湯沽清，可轉他飲品，因為我已點了可樂，便順手問一下可否就咁轉左做飲品，不收可樂一杯錢，佢竟然要向上級查詢！可能因為開張不久呢Ｄ突發事件唔識應對，還可以接受，跟住佢轉頭答我「可以轉」就走左去，另外一杯呢？你唔問架！！！結果女友又要調轉頭叫番佢落單！！！
女朋友老早已留意這間新的日本餐廳，睇雜誌介紹相當吸引，由於比較近我工作地方，所以之前就與同事試過午餐，評語係食物不錯，不過服務比較粗疏（漏單），可能因為新開張運作未順，尚可接受，還有就是比較貴，當去＜潮樓＞飲茶食到飽都只係$70一位，旺角女人街都要＄５０蚊一位就相對比較貴了，晚飯的話就相當抵，偶然一試無妨。
今晚打完波，為了一試這間新舖，明知＜十勝＞收11點都與女朋友趕落旺角，十點到達，過了晚市時間只剩三四枱客，侍應小姐提醒我們收11點，我們快點了幾個菜：
1. 網燒汁厚燒豬扒飯套餐
2. 地獄汁薄燒豬扒飯套餐
3. 芝麻汁露笋沙律
4. 免治芝士豚肉
5. 豚肉串燒
6. 可樂一杯
7. 紅豆糕
上次食套餐，向女朋友提過面豉湯有蜆肉，好有心思，話剛說完就有位「大姐」跟我們說，面豉湯沽清，可轉他飲品，因為我已點了可樂，便順手問一下可否就咁轉左做飲品，不收可樂一杯錢，佢竟然要向上級查詢！可能因為開張不久呢Ｄ突發事件唔識應對，還可以接受，跟住佢轉頭答我「可以轉」就走左去，另外一杯呢？你唔問架！！！結果女友又要調轉頭叫番佢落單！！！乜咁樣架呢間野！ 其實此時都覺得相當冇癮，不過算啦心諗呢間舖又唔乜野貴價食肆（以晚飯來講），服務差Ｄ，味道好咪ＯＫ囉。
好在食品都好快到，免治芝士豚肉肉質夠厚實，又唔會一味死咸，好想食多件！
芝麻汁露笋沙律份量都幾夠，好味在於個芝麻汁，我打趣道其實去超市買支汁都可以開舖了～
主食豬扒飯份量適中，厚燒食落咬口夠哂，好似食廣東燒肉的感覺，但係亦似普通燒肉一樣「鞋口」唔夠juicy，反而薄燒就食都肉汁同唔會大「鞋」，莫非這就是正宗的豚丼？哪可不得了！咁嘅質素做招牌真令人擔心，對面「西門町」個豬扒強得多了！！！女朋友以為紅豆糕會係日式的紅豆年糕，結果得來都係同茶樓冇分別的紅豆糕三件，幾失望亦都只怪自己「諗多左」。然而豬扒都較一般茶記好味是事實，我打死都唔會比個「」，最多都係「ok」，都係果句偶然一試無妨。
食到七七八八，人地差吾多埋數要埋單先，更不愉快嘅事發生！！！又係「大姐」過來，我用一張五百元找數，一會兒轉過頭返來，今餐埋單$176佢找番四蚊比我！！！！！做乜，唔識計數？我就話我比左五百元，「大姐」佢竟然夠膽話係我「記錯」！佢係一路都有mark低！！我諗任何情況底下都吾係質疑客人，而係自己搞清楚件事先卦！結果「大姐」在第二疊單「發現」我張單，係佢自己搞錯，真係好過份，「大姐」冇道謙，結果都係經理過來打完場同道謙，但此時我同女朋友已相當冇癮，比隔離幾枱望住令我們相當尷介，好似我地夜媽媽在＜十勝＞搞事咁！
其實普遍個個侍應都係有禮貌的，但一個「大姐」嘅「待客態度」足以扣哂之前所有分數！
最後想講多一次，其實＜十勝＞食物並不是太差，係個豬扒「鞋口」Ｄ～～（sorry呢間野出名係咩話？）
成個「喊表情」都係多得「倒米大姐」嘅「倒米服務態度」，下次唔好嘞！（sorry應該都冇下次）
PS. 唔知有冇人發現冇寫過 5. 豚肉串燒？ 唔係我唔記得，係佢地又漏單，我又冇得食了！！，諗住幫襯的話，記得記得記住自己點過乜，食過乜，同埋找數張銀紙嘅number呀！！
Post