鋿晶館

Open Now

Now Closed

去完旅行返嚟，好掛住中菜點心，夜晚去左屋企附近呢間鋿晶館過返口癮。脆蘿蔔腸粉好有特色，食落餡料似炸油炸鬼咁樣但係就有一種薄身脆左嘅口感，食落更加酥香。潮州蒸粉果粉果正宗好味，外皮軟糯煙韌，皮又唔會太厚，內裡餡料滿滿，花生，肉碎，馬蹄等，滿足！鮮蝦菜苗餃菜苗餃皮薄餡又靚，蒸得岩岩好，蝦食落去新鮮彈牙而且菜苗食落亦都嫩嫩又香，好味流沙奶黃包呢款點心一客有3個，入面流心效果一流，食落奶黃味濃，熱辣辣暖笠笠，鬆軟口感，讚！雞扎雞扎餡料夠多，有蟹柳，雞肉，芋頭同魚肚。仲用上腐皮包住，少少湯汁食落非常好味道！脆蝦多士非常特別，先鋪上一層蝦膠之後再加上好多芝麻去炸，食落非常之香酥脆，又有啲煙韌咬口。