影の鳥 (Closed)

今日拍拖周年紀念，決定book 影の鳥 試下佢既150分鐘半自助餐，因老公食野慢吞吞，150分鐘夠晒慢慢嘆。一入到去就有甲羅燒送，感謝抵晒。鹹香既蟹膏夾住梳打餅，一流。主菜講真唔係重點，因食任點已經夠晒飽，我簡左饅魚丼，老公簡牛小扒丼。但係佢地已經俾正正既刺身併盤搶晒鏡，帶子厚切，大大隻赤蝦，真係無得彈。黎到呢到一定要食串燒，睇住師傅即燒即上，串燒要熱辣辣先好食。樣樣都好食，我夠力推薦豚肉蘋果串，好夾好特別。牛舌串厚切都必食，夠彈牙。粟米夠甜，雞皮夠脆。另外，番薯天婦羅都好甜，漿粉唔會太厚。飲品夠多選擇，蘆薈爽，綠茶都夠晒解膩。總結，呢個價錢係呢個地段食到咁嘅質素，性價比唔錯。如果見到埋老闆們AK, Jer就更正超值啦。