圓山飯店 (Under Renovation)

今晚放工同朋友一齊行到The One呢頭搵嘢食，行到加拿芬道盡頭就見到呢間圓山飯店。睇到佢各款彩色都咁吸引🤩就決定係度享用晚餐。前菜係贈送既手拍青瓜，酸酸甜甜，少少辣，好開胃。圓山小炒皇第一個餸就叫左圓山小炒皇，韭菜花新鮮爽脆，配料多到爆，而且好特別，除左常見既蝦乾，銀魚乾，重有好多蜆！！避風塘炒蜆呢一碟炒蜆非常推荐！炒蜆嘅份量相當之多，蜆中肥美嘅蜆肉，再配上辣椒嘅辣味，個口感嘅辣度十足，非常惹味！椒鹽鮮魷 未放入口先比佢外觀吸引，金黃色嘅外皮，熱度十足，而且每舊鮮魷都大大舊。一放入口就感覺到冇得頂！椒鹽鮮魷新鮮熱辣，而且外皮香脆，直頭係用黎送飯一流嘅菜式！蒜蓉粉絲蒸聖子皇（2隻起）呢碟聖子真係又大隻又新鮮，配埋蒜蓉粉絲蒸既味道，真係食到舔舔脷！