Video
Read full review
2012-04-29
999 views
已經好耐冇嚟過中港城, 都唔知呢度有間煤氣開的餐廳, 淨係知有船搭, 朋友約食飯, 選咗呢間餐廳, 跟住嚟到先知呢度環境咁正, 對住個大海食飯, 又望到兩岸, 但餐廳入面反而乜都睇唔到, 因為燈光昏暗, 非常有情調.................每一枱都會有一籃麵包, 唔知如果唔夠食, 有冇得REFILL呢 不過一場嚟到, 冇理由食麵包食飽個肚架嘛~~ 所以每一都係食一件就算..........麵包雖然唔算好香, 但塗咗牛油之後, 就會香好多, 可能D牛油有香草掛 食完麵包之後, 就食正餐喇~~ 我地5個人, 叫咗1個SET DINNER再散叫幾樣嘢, 而佢應該係即叫即整, 因為每樣餸都等好耐, 尤其是條魚................ 沙律我都唔知佢叫咩沙律, 淨係知有菜+蛋, D菜好新鮮, 好爽口, 而D蛋仲係溏心蛋, 應該再落咗D橄欖油+醋, 拌勻食之後非常開胃................ 香煎鵝肝伴蘋果鵝肝煎得好香, 面層好脆口, 但內裡仲好嫩滑, 而蘋果一D都唔似蘋果, 浸完糖水之後似罐頭水蜜桃,.......... 三文魚忌廉湯由於太多嘢食, 完全忽略咗呢個湯,
每一枱都會有一籃麵包, 唔知如果唔夠食, 有冇得REFILL呢 不過一場嚟到, 冇理由食麵包食飽個肚架嘛~~ 所以每一都係食一件就算..........麵包雖然唔算好香, 但塗咗牛油之後, 就會香好多, 可能D牛油有香草掛
食完麵包之後, 就食正餐喇~~ 我地5個人, 叫咗1個SET DINNER再散叫幾樣嘢, 而佢應該係即叫即整, 因為每樣餸都等好耐, 尤其是條魚................沙律
我都唔知佢叫咩沙律, 淨係知有菜+蛋, D菜好新鮮, 好爽口, 而D蛋仲係溏心蛋, 應該再落咗D橄欖油+醋, 拌勻食之後非常開胃................香煎鵝肝伴蘋果
鵝肝煎得好香, 面層好脆口, 但內裡仲好嫩滑, 而蘋果一D都唔似蘋果, 浸完糖水之後似罐頭水蜜桃,..........三文魚忌廉湯
由於太多嘢食, 完全忽略咗呢個湯, 到最後食完嘢先發現佢, 但已經凍哂, 同埋好飽, 冇試過, 希望下次有機會再試.................拼盤
有水牛芝士夾蕃茄、馬拿巴火腿、吞拿魚、肉腸、橄欖、魷魚...................我平時唔會食呢D嘢, 就算食自助餐時都唔會食, 因為好耐之前試過D火腿同肉腸好難食, 之後一路都唔敢再試, 但經過今次之後, 對馬拿巴火腿同肉腸有少少改觀, 因為佢冇果陣味.............但最正都係個水牛芝士, 係我第一次食, 好香好正.................鹽燒海爐魚
成條鱸魚起骨後, 用海鹽住, 再包錫紙去燒焗, 到上枱時, 待應會幫我地鐅開個鹽層, 再片開魚皮...............雖然我唔識分海爐魚定養鱸魚, 但D魚肉唔會散, 又唔會好實, 仲食到魚的鮮味, 但又有少少鹽香...............羊鞍
我地叫7成, 師傅控制得好好, D肉好嫩好林, 冇乜羶味, 最緊要加埋薄荷醬同芥辣一齊食.........墨魚墨汁米形粉
原來米形粉即係好似米咁樣, 但其實係意粉類, 口感好好, 好得意, 再用墨汁煮過, 搞到人人食咗都變烏嘴狗.............HAHA~~~ D墨魚界哂花, 唔會好UN, 但又有咬口............火焰雪山
期待已久, 因為係第一次食, 待應會上枱後先點火, 原來係用威士忌做助燃劑, 因為酒精濃度高, 再將點咗火的威士忌倒落雪山頂同周圍, 等佢燒到個雪山有少少焦.............最搞笑係個個都等個火熄, 但等極都唔熄, 要問問待應究竟駛唔駛等D火熄咗先食, 當待應話唔駛等佢熄先食, 個個即刻搶住分嚟食, 搞到座雪山雪崩................. 原來雪山表面係由忌廉同蛋白打成, 最中間係雪糕, 之間用威化餅做分隔同支柱.............雪山表面要焦焦地先好食, 而中間個雪糕好香雲呢拿味, 唔知係咪自家製呢心太軟
唔知係咪掛住食個雪山, 搞到個心太軟凍咗, 變咗心太硬............但依然有種好濃烈的朱古力味~~甜品
其餘甜品都唔錯, 但一人分到一啖, 試唔真D味..................總括嚟講都唔錯, 無論環境、食物味道同服務都唔錯, 啱哂拍拖人士, 因為果度好暗, 夠哂情調...................以我個人嚟講呢度其實都算貴, 但好彩今次朋友有COUPON, 差不多半價就食到, 所以今次真係好抵LOR~~~
Post
