Video
Read full review
2018-02-15
348 views
今日係情人節，因為宗教信仰今日要食齋。知道我鍾意食印度菜，所以男朋友就特登揀咗呢間米之蓮印度餐廳。呢間餐廳係米之蓮而且幾多好評，但係唔知係咪因為情人節港女普遍喜歡鋸扒，呢間餐廳出奇地少人。雖然特登訂咗位，但其實都幾多吉位。坐低諗都唔使諗直接睇素食咖喱，叫咗個香料胡椒餅($38)，雜菜咖喱($72)同埋馬莎拉毛瓜($72)。薄餅就叫做黑松露naan同埋蒜蓉naan。香料胡椒餅比較鹹，不過以印度菜出名重口味來講，其實係夠地道嘅。以前喺印度食過，味道都係差唔多。放喺面頭嘅蕃茄青瓜同洋蔥夠新鮮，食落清新爽口。醬汁嘅質地夠厚，帶少少酸味，配埋脆卜卜嘅胡椒餅非常之夾。黑松露naan上碟時夠熱，好濃嘅黑松露香味，其實就咁食都夠味，配咖喱當然更正。至於蒜蓉味，唔知係咪因為食咗黑松露先，所以感覺冇咁香。不過一樣係外脆內軟熱辣辣。雜菜咖喱味道偏甜，印度咖喱來講算係唔辣。咖喱嘅面頭有放少少蔥，薄餅咖喱同埋蔥三樣嘢一齊擺落口，有唔同層次嘅口感。食完之後嗰種香仍然會喺個口久久不散。至於秋葵瑪沙拉都係出色之作。馬沙拉係一如以往嘅嘢未，但係同平時食開嘅唔同，呢一個加左切碎的薑粒，果種香係令個馬沙拉嘅層次提升咗。平時
呢間餐廳係米之蓮而且幾多好評，但係唔知係咪因為情人節港女普遍喜歡鋸扒，呢間餐廳出奇地少人。雖然特登訂咗位，但其實都幾多吉位。
坐低諗都唔使諗直接睇素食咖喱，叫咗個香料胡椒餅($38)，雜菜咖喱($72)同埋馬莎拉毛瓜($72)。薄餅就叫做黑松露naan同埋蒜蓉naan。
香料胡椒餅比較鹹，不過以印度菜出名重口味來講，其實係夠地道嘅。以前喺印度食過，味道都係差唔多。放喺面頭嘅蕃茄青瓜同洋蔥夠新鮮，食落清新爽口。醬汁嘅質地夠厚，帶少少酸味，配埋脆卜卜嘅胡椒餅非常之夾。
黑松露naan上碟時夠熱，好濃嘅黑松露香味，其實就咁食都夠味，配咖喱當然更正。至於蒜蓉味，唔知係咪因為食咗黑松露先，所以感覺冇咁香。不過一樣係外脆內軟熱辣辣。
雜菜咖喱味道偏甜，印度咖喱來講算係唔辣。咖喱嘅面頭有放少少蔥，薄餅咖喱同埋蔥三樣嘢一齊擺落口，有唔同層次嘅口感。食完之後嗰種香仍然會喺個口久久不散。
至於秋葵瑪沙拉都係出色之作。馬沙拉係一如以往嘅嘢未，但係同平時食開嘅唔同，呢一個加左切碎的薑粒，果種香係令個馬沙拉嘅層次提升咗。平時食毛茄最怕就係食到佢嗰啲毛嘅口感，今次可能因為有咖喱包住嘅關係，就冇呢個感覺。面頭再加埋新鮮嘅蔥係非常之好食。
我哋兩個人埋單食咗＄260。今次因為食齋嘅關係食唔到佢個set，但係其實佢個set係抵嘅，$302兩位，多好多小食之餘仲有嘢飲。而且啱啱見到OpenRice嘅優惠$199兩位，下次會再去試過！
Post
