台北倆伴

Open Now

Now Closed

今日揀台北倆伴食下台灣嘢。慢煮豬軟骨麻辣拌麵將碗內的咸酸菜、葱粒、麻辣醬拌勻麵條，麵條口感煙韌，麻辣味好香，但唔會好辣，豬軟骨就夠晒入味。咸蛋黃芋泥酥(3件)入口嘅芋泥酥鬆脆，口內有香香芋泥蓉。紅燒牛肉麵拼古早滷肉飯牛肉麵嘅牛𦟌，肉質夠淋又入味，重有咸酸菜，加埋麵條彈牙，好開胃嘅湯麵。滷肉飯細細碗，食晒成碗都唔覺得膩，配搭半隻糖心蛋連同豬肉鬆加滷肉碎，夠晒野味。士林鹽酥雞酥脆嘅鹽酥雞，咬落肉質嫩。芋泥三色芋圓中間有一大粒唔係雪糕嚟，係芋泥，配搭三色芋圓，入面有一絲絲煙韌嘅仙草凍。桂圓紅棗茶芋香珍珠奶茶紫色好靚，飲落有啖啖芋香味嘅奶茶。