紅壽司 (Closed)

食友的飯堂，見有時間，就來踩場，唔想坐吧檯，就坐到兩人檯，老闆似有微言。小本經營，舖位不大，大概容得下40人，仿日式環境裝潢，恭喜發財的poster還未拆下，怪形怪相。櫻花魚生飯限量供應，見是招牌菜，想試試，慢半拍，售罄，於是點了涼麵，配加州及腐皮卷。兩點左右，人客不多，壽司吧放有魚缸，其時阿姐替鯉魚洗白白，心寒，希望水花不會四濺。說是涼麵，是醬油涼伴蕎麥麵，蕎麥是超市貨，$40都預左，卻想不到無用冰急凍，煮熟過冷河便端出來，汁亦是普通醬油而非木魚汁，鹹而不鮮，行貨之極，腍是正路，嫌蕎麥粉不足，無味之極。配菜的加州卷及腐皮壽司，不過不失，其實，加州卷是日本料理？還是花之戀的friend？近來胃口愈來愈差，麵及拉麵、手卷隨便吃了兩口埋單去，$40確是抵食，當然肯花多點心思的話，會更好。