泰潮 (嘉咸街) (Closed)

因為openrice做緊外賣自取，之前食過lunch真係覺得好鬼抵，而且知道質素如何，所以今日收工諗唔到食咩好，就醒起呢度，一於再幫襯！因為疫情應對措施嘅關係，雖然店仔細細，但每枱距離已經拉遠左，所以坐滿都只會得往日一半嘅客量，而且我嚟到嘅時候係包場。既然冇人，當然揀堂食啦！食得安心丫嘛！😂唔係咩慶祝，所以就揀左最抵食嘅一人套餐，同同事一人揀一款再share。我揀左米芝蓮海南雞飯套餐，雞都有雞味唔會淋batbat，飯佢跟返泰式用啲泰國碎米，薑黃味好香，值得得獎嘅。雖然醬汁唔多選擇，但鍾意佢啲雞夠滑，而且佢個泰式青瓜沙律細細粒好易食，好岩我，又夠fresh。同事揀左泰式青咖哩蝦球飯，青咖哩個咖哩底椰汁味好香偏甜少少，眼見蝦球都好大隻，而且超多甜椒，豆角果類蔬菜，好健康，咖哩唔太辣，送飯唔錯。泰式酸辣鳳爪味道非常之正宗，無骨爽口仲幾大份，做開胃小食就非常好。泰式香茅雞翼秉承泰式炸嘢style，都炸得幾出色，但係味道就相對比較普通。椰汁冰嘅椰奶味豐富，用料充足。泰式香茅薑蜜就有豐富嘅herbs味，夠natural，加左奇亞籽，又健康左。