Video
Read full review
2015-09-17
518 views
銅鑼灣有不少樓上鋪，只要係價錢合理又好味既都會大排長龍，早幾日去左百樂搵食，因為好多層都有餐廳，見呢間個logo幾得意又平就入黎試下。餐牌都幾多選擇，而已重有每日唔同既廚師推介，dinner set可以加錢要埋酒同甜品。 花茶改左ｄ好有意思既名，女仔覺得幾得意都會想試下～因為聽說紅湯係健康ｄ，所以我大多都會飲紅湯，好多蔬菜粒，濃濃既蕃茄味，絕對唔係只得咸既清湯。雞翼係我每次都會點的，這裡拼盤有晒３款味道，第一款係辣既，中間係水牛城，右邊既係玫瑰蜜糖味，而我最喜歡就係玫瑰蜜糖味，甜絲絲既蜜糖加上脆卜卜既雞翼，香口好味。我好喜歡食田螺，牛油加上薯蓉真係絕配，薯蓉係細滑的，吃不到薯仔粒，吸晒所有田螺汁既味，味道非常好。我點了當日既廚師推介牛肩肉，因為個人不喜歡吃生，所以點了七成熟，份量非常足，加上旁邊兩個原隻小薯仔真係飽到加零一，薯仔外皮烤成金黃色好吸引，牛肩肉肉質夠嫩夠多汁，重牛味而且不會有血水。 加了＄２８可以有甜品，我選了藍莓芝士餅，芝味濃偏軟身，如果有脆脆餅底就更加好了，作為結尾算不過不失吧。最後望住夜境嘆返杯海鹽焦糖咖啡都幾正，喝不出有海鹽味，不過也正常阿，如果咸的不是很怪嗎？甜度
銅鑼灣有不少樓上鋪，只要係價錢合理又好味既都會大排長龍，早幾日去左百樂搵食，因為好多層都有餐廳，
見呢間個logo幾得意又平就入黎試下。
餐牌都幾多選擇，而已重有每日唔同既廚師推介，dinner set可以加錢要埋酒同甜品。
花茶改左ｄ好有意思既名，女仔覺得幾得意都會想試下～
因為聽說紅湯係健康ｄ，所以我大多都會飲紅湯，好多蔬菜粒，濃濃既蕃茄味，絕對唔係只得咸既清湯。
雞翼係我每次都會點的，這裡拼盤有晒３款味道，第一款係辣既，中間係水牛城，右邊既係玫瑰蜜糖味，
而我最喜歡就係玫瑰蜜糖味，甜絲絲既蜜糖加上脆卜卜既雞翼，香口好味。
我好喜歡食田螺，牛油加上薯蓉真係絕配，薯蓉係細滑的，吃不到薯仔粒，
吸晒所有田螺汁既味，味道非常好。
我點了當日既廚師推介牛肩肉，因為個人不喜歡吃生，所以點了七成熟，份量非常足，加上旁邊兩個原隻小薯仔真係飽到加零一，
薯仔外皮烤成金黃色好吸引，牛肩肉肉質夠嫩夠多汁，重牛味而且不會有血水。
加了＄２８可以有甜品，我選了藍莓芝士餅，芝味濃偏軟身，如果有脆脆餅底就更加好了，作為結尾算不過不失吧。
最後望住夜境嘆返杯海鹽焦糖咖啡都幾正，喝不出有海鹽味，不過也正常阿，如果咸的不是很怪嗎？
甜度比普通咖啡低，口感細幼，拉花可以再花巧一點就更好了ＸＤ！
Post
