九重鮮 (Closed)

抗疫左咁耐已經煮到好悶，但係又唔敢出去食飯，安心在家，又想食到外面食物，又未有時間去街市買菜。。九重鮮出既家用版海鮮串燒放題就幫到我，有酒，海鮮，串燒，烤肉，菜蔬，飯同埋甜品，包羅萬有豐富嘅套餐。不過計劃通常不及預期，當想拎燒烤機出來時發現壞左.. 不用怕。最後大多用氣炸鍋都食到美味晚餐！唔一定要有家用燒烤爐既，氣炸鍋，焗爐，煎炒煮烚一樣得。前菜韓式泡菜夠辣夠刺激，加上泰式酸辣醬，沙嗲醬，麻辣醬配合海鮮同埋串燒更可提升味覺。海鮮我地大部分都用烚，因為夠新鮮，烚起後更能突出鮮味。份量夠斤量，半斤海蜆脹卜卜，食落鮮甜半斤海蝦生猛跳跳紮，食落超彈牙，而6隻殼蠔需要自己開，幸好家人呢方面係能手，用刀一撬就開。泰式串燒有豬梅肉同埋牛柳頭，煮完仲保持嫩滑，調味適中，沾醬後更好食。我地皆喜愛豬頸肉串，墨魚鬚串，牛脷串，京蔥牛肉串，泡菜豬肉串。一手拎住串燒，另一手摸住杯底，嘆返啖葡萄紅酒，絕對一流享受。份量十足嘅咖哩牛肉飯就要靠老公清光，最後我哋一人一杯椰子布甸，一打開就聞到好香嘅椰子味。