橋底辣蟹 (雅閣大廈) (Closed)

好耐無食過炒野同大排檔，今晚特登約左鐘意飲啤酒既朋友一齊傾計食d小菜。呢間橋底辣蟹都幾出名，但一直都無試過，今晚就bk左試試佢。一入去見到有個屏風擋住，幾有隱私度，而佢既裝修都相當有氣派，掛滿紅燈籠，好有中國特色，如果係遊客黎一定會好岩打卡。我地今晚決定豁出去，要飲飽食醉。首先，我地叫左招牌燒腩仔，份量都幾多，個皮卜卜脆，而且肥瘦得宜，配埋芥辣幾惹味。既然有青島啤酒，我地試埋脆皮牛坑腩，佢果然夠鬆脆，用黎送啤酒就剛剛好，但略嫌乾身，如果多d肉汁更好。仲有辣酒煮花螺，辣辣地一啖螺肉，一啖啤酒真係好麻甩好正。另外，我地驚太heavy，所以叫左個蠔仔窩飯同勝瓜浸花甲。份量都十足，蠔仔夠鮮味，而勝瓜亦好甜，中和煎炸野既油膩。總括黎講，呢間橋底辣蟹作為小菜食海鮮相當不俗，岩曬邊飲酒邊食小菜吹水。