Video
Read full review
2017-05-10
358 views
整睇個店名就知係食酸辣野，入到去環境幽暗，感覺雖然唔似食酸辣粉，但係又幾有情調喎！仲要播埋純音樂！食物選擇多到影相都影唔曬，配搭又多，最後揀咗個牛筋腩麵，bb辣。先o黎一個前菜-木耳，好爽口，好香麻油，面頭加左啲芝麻，係鹹既，唔係酸既。凍檸茶個賣相都唔錯，篤檸檬支叉真係長度呢，幾特別！牛筋腩嘅配菜主要係榨菜，花生及肉碎，而最主要嘅牛筋腩就有啲令人失望啦！比較硬及鞋口。湯底唔錯，撈埋啲配菜一齊食好香，我點嘅係bb辣，但係已經好辣！未食到一半已經流涕，條脷都麻麻的，好彩有杯凍檸茶中和下。午餐有個甜品，叫紅糖桂花冰粉。係比較稀嘅啫喱，好清甜，食到唔少桂花，估唔到呢個小小嘅甜品咁好食！最後埋單加埋加一服務費是為64蚊，喺銅鑼灣食有咁嘅環境，咁嘅質素，真係好抵！無意間係餐牌發現原來like facebook仲有九折o架！！！
食物選擇多到影相都影唔曬，配搭又多，最後揀咗個牛筋腩麵，bb辣。
先o黎一個前菜-木耳，好爽口，好香麻油，面頭加左啲芝麻，係鹹既，唔係酸既。
凍檸茶個賣相都唔錯，篤檸檬支叉真係長度呢，幾特別！
牛筋腩嘅配菜主要係榨菜，花生及肉碎，而最主要嘅牛筋腩就有啲令人失望啦！比較硬及鞋口。湯底唔錯，撈埋啲配菜一齊食好香，我點嘅係bb辣，但係已經好辣！未食到一半已經流涕，條脷都麻麻的，好彩有杯凍檸茶中和下。
午餐有個甜品，叫紅糖桂花冰粉。係比較稀嘅啫喱，好清甜，食到唔少桂花，估唔到呢個小小嘅甜品咁好食！
最後埋單加埋加一服務費是為64蚊，喺銅鑼灣食有咁嘅環境，咁嘅質素，真係好抵！
無意間係餐牌發現原來like facebook仲有九折o架！！！
Post
