心夜來潮 (Closed)

今日就同屋企人黎旺角心夜來潮食宵夜😍 呢間餐廳營業時間同個名一樣，只係開夜晚到朝早👍我哋叫咗幾個小菜。首先係心夜小炒王，唔係講笑，下次黎食一定要encore!!😍😍好足料，又夠鑊氣。有韮菜，菜莆，芋頭，仲有魷魚啊😍送啤酒一流啊！🍻基本上口感又香又脆，忍唔住口，話咁快清左成碟！一品煲，好足料！有花膠，鮑魚，海螺片等等。好夠味，性價比頗高！不過美中不足係鮑魚有啲太硬，另外，醬鹵鵝不得不讚！雖然呢個菜睇落好簡單，但係製作過程好考功夫，塊塊肉都好入味，又結實，抵讚！豆腐雖然係配角,但係一啲都唔失色。