Video
Read full review
2012-04-21
72 views
2月2日, 是夜好想食laksa~ 但係人在銅鑼灣都真係唔知邊度先有得食… 結果行下行下行到燉奶佬門前, 竟然發現佢有喇沙! 見入面環境都光鮮闊落, 又唔洗等位, 所以就入去開餐啦~::: 喇沙豬扒米線 + 凍奶茶 ::: $39其實睇完個menu之後真系樣樣都想試! 不過我既然係為喇沙而來, 最後決定跟隨本意叫個喇沙試下~ 不過比對面譚仔影響咗, 所以連個喇沙都要揀米線… 喇沙上場, 湯頭色水望落比正宗喇沙淺同清, 少咗陣辣油同椰奶咗濃香味, 不過都算惹味~ 豬扒薄身, 肉質偏腍, 但都幾入味. 同場仲有鮑片、芽菜、韭菜、蛋等, 但最正嘅其實係夠豆腐乾! 本身已有少少滷水微甜鹹香, 加上超索汁又腍身, 好好味! 米線都幾煙韌~ 唔錯.凍奶茶就ok啦~ 茶底削咁d, 搞到好似稀稀地咁…::: 咖哩牛腩飯 + 招牌煉奶紅豆冰 ::: $46咖哩標榜住係巴基斯坦咖哩, 當然嗜辣嘅呀比要試一試~ 咖哩上枱已經聞到好濃咖哩味, 賣相唔錯, 都真係幾正宗巴基斯坦, 辣度都幾夠, 比一般港式咖哩辣, 加上d洋蔥粒, 薯仔茸咁, 又夠晒香~ 牛腩只係一般貨色, 比較韌咗d, 但係都幾入味嘅, 薯仔好
::: 喇沙豬扒米線 + 凍奶茶 ::: $39
其實睇完個menu之後真系樣樣都想試! 不過我既然係為喇沙而來, 最後決定跟隨本意叫個喇沙試下~ 不過比對面譚仔影響咗, 所以連個喇沙都要揀米線… 喇沙上場, 湯頭色水望落比正宗喇沙淺同清, 少咗陣辣油同椰奶咗濃香味, 不過都算惹味~ 豬扒薄身, 肉質偏腍, 但都幾入味. 同場仲有鮑片、芽菜、韭菜、蛋等, 但最正嘅其實係夠豆腐乾! 本身已有少少滷水微甜鹹香, 加上超索汁又腍身, 好好味! 米線都幾煙韌~ 唔錯.
凍奶茶就ok啦~ 茶底削咁d, 搞到好似稀稀地咁…
::: 咖哩牛腩飯 + 招牌煉奶紅豆冰 ::: $46咖哩標榜住係巴基斯坦咖哩, 當然嗜辣嘅呀比要試一試~ 咖哩上枱已經聞到好濃咖哩味, 賣相唔錯, 都真係幾正宗巴基斯坦, 辣度都幾夠, 比一般港式咖哩辣, 加上d洋蔥粒, 薯仔茸咁, 又夠晒香~ 牛腩只係一般貨色, 比較韌咗d, 但係都幾入味嘅, 薯仔好味, 夠粉又夠腍, 唔錯!
招牌煉奶紅豆冰算幾好飲, 個煉奶令到杯野好夠甜, 紅豆偏淡, 可能俾個煉奶甜味遮住咗, 但係叫做招牌又好似唔係好特別.
由賣糖水賣到而家變成一間茶餐廳, 餐牌供應嘅食物由起家嘅傳統燉奶糖水, 地道茶餐廳三文治公仔麵碟頭飯煲仔菜、至西式焗飯焗意粉、潮式河粉、泰式粉麵、越南湯河、日本拉麵、馬拉喇沙甚至巴基斯坦咖哩… 款式之多真係你想食乜都有. 論食物味道環境服務其實都唔錯~ 真係夠薑夠條件同隔離翠華fight過!Post
