Video
Read full review
2018-07-17
692 views
番工番到成個人呆曬，今晚約左朋友食飯，佢提議食d辣嘢刺激下我。一向走向潮流尖端嘅佢話知道最近喺銅鑼灣軒尼詩道502號黃金廣場（Sogo百貨公司對面）新開左間火鍋店——鋼管廠五區小郡肝串串香。嘩！個名咁長嘅！淨係個店名已經feel到佢嘅霸氣！呢間火鍋主打sell辣，客人大多都是國內同胞，各人滿口都説「普通話」。好奇幾錢一位，細問先知原來佢呢度嘅收費係按竹籤嘅重量計嘅，每100克收$75，咁樣收費又幾特別喎。店內設有大凍櫃，有菜有肉，比例各佔一半，全用竹籤串起來。細心睇，原來每樣食物所用嘅竹籤數目都唔同。竹籤嘅數量就代表左果樣食物嘅價錢。打邊爐首先要決定嘅當然係湯底啦，湯底共有四款。點左番茄鴛鴦鍋。一邊是唔辣，內裏有蕃茄；另一邊是紅（辣的），淨係望見都覺得勁辣，口食到麻辣味，鼻都聞到麻辣香。好醒神，正👍睇下枱面嘅餐具，發現筷子長過手臂，咁嘅設計係方便客人從鍋裏夾嘢食上黎時唔會辣親手；為了避免客人俾竹籤刺襯，精心打造了兩個竹筒，竹筒係陷入枱內，慳地方又夠體貼！侍應好好人，走來推介兩款甜品，分別是「紅糖糍粑」及「紅糖冰粉」，佢話食甜嘢可潤喉，於是每款各要一份。紅糖糍粑外形很吸引，由一條黑色及一
呢間火鍋主打sell辣，客人大多都是國內同胞，各人滿口都説「普通話」。
好奇幾錢一位，細問先知原來佢呢度嘅收費係按竹籤嘅重量計嘅，每100克收$75，咁樣收費又幾特別喎。
店內設有大凍櫃，有菜有肉，比例各佔一半，全用竹籤串起來。細心睇，原來每樣食物所用嘅竹籤數目都唔同。竹籤嘅數量就代表左果樣食物嘅價錢。
打邊爐首先要決定嘅當然係湯底啦，湯底共有四款。點左番茄鴛鴦鍋。一邊是唔辣，內裏有蕃茄；另一邊是紅（辣的），淨係望見都覺得勁辣，口食到麻辣味，鼻都聞到麻辣香。好醒神，正👍
睇下枱面嘅餐具，發現筷子長過手臂，咁嘅設計係方便客人從鍋裏夾嘢食上黎時唔會辣親手；為了避免客人俾竹籤刺襯，精心打造了兩個竹筒，竹筒係陷入枱內，慳地方又夠體貼！
侍應好好人，走來推介兩款甜品，分別是「紅糖糍粑」及「紅糖冰粉」，佢話食甜嘢可潤喉，於是每款各要一份。
紅糖糍粑外形很吸引，由一條黑色及一條白色糕舔合而𢦓，糕面灑上紅糖，紅糖唔太甜，糍粑煙煙韌韌，食落有口感。
紅糖冰粉一上枱見到一粒粒透明嘅四方體，睇落以為係冰，食落先發現原來係切成大大粒嘅啫喱，唔怪之叫「冰」粉啦！紅糖冰粉同紅糖糍粑一樣，都係响冰粉上灑上紅糖，淡淡嘅啫喱搭配紅糖，恰到好處！
侍應真係夠細心，話如果怕辣，可以出去取醬料時取些蔴油，佢話點蔴油食，可減輕辣味。果然，當我流鼻涕流到成枱都係紙巾嘅時候，將點左蔴油嘅嘢食放入口時，頓時辣味減半，鼻涕都冇流咁多了！
此處環境舒適，有四人座卡位亦有木枱櫈。店的盡頭還有一間大房，內設大圓枱，擺了兩個電磁爐，供大夥兒聚餐。
黎「鋼管廠五區小郡肝串串香」點可以唔食「經典小郡肝」呢！經典小郡肝切成小塊，口感爽脆。
泡椒牛肉係用一片牛肉包住一隻黃色辣椒仔，隻椒有尾指咁長😱！見到已經覺得辣，本身諗住挑戰一下自己成嚿擺入口，但一咬——辣到眼水鼻水都流埋😭——即刻成嚿拎出黎，淨食牛肉。😹🙈
芹菜牛肉係咁多款牛肉裏面我最鍾意食嘅😹。可能因為其他款式嘅牛肉全部都太辣了。芹菜清清甜甜，中和了少許辣，建議想食辣但又唔想食得太辣嘅朋友可以試呢款。
魚豆腐夠彈牙、有口感。
蔬菜都有好多款，估唔到竟然有秋葵食！秋葵入口爽脆，十分新鮮。
咁多種蔬菜，我最鍾意食南瓜😍！橙色嘅南瓜好甜，就算煮左好耐，都仲係好完整，唔會散開曬。
勝瓜、冬瓜、白蘿蔔、土豆、萵荀和蓮藕全切成薄片，咁切嘅好處係快熟，佢地好聰明！食入口十分爽脆。
土豆即係薯仔，平日食開d薯仔都係一嚿嚿正方形，炆到腍曬先食，但今次打邊爐有薯仔食都係第一次！切成薄片嘅薯仔入口清甜又好爽脆，完全唔似薯仔，係幾有趣嘅煮法。
搞鬼嘅係佢杯碟都印上中國標語，如：「好好學習，努力賺錢」、「低調，是最牛B的炫耀」等。
好鍾意佢個麥茶，茶味好香，好好好飲！好快飲完又要麻煩侍應再斟過。
餐廳重喺收銀處提供左薄荷糖比客人可以清下食辣野產生嘅口氣，好貼心呀。
呢間餐廳位於黃金廣場，銅鑼灣地鐵站一出轉個彎就到，交通十分方便！聽講呢間餐廳只係開左幾個禮拜咋，重唔快d去試下，做潮流達人？鋼管廠五區小郡肝串串香係嗜辣一族嘅必到食店！
Post
